Атырауда 18 және 21 жастағы екі қыз жол үстіне әдейі жатып, көлік қозғалысын бөгеп, бұл сәтті видеоға түсірген. Оқиға 5 қарашаға қараған түні болған, деп хабарлайды qandastar.kz.
Полиция қызметкерлері олардың жеке басын анықтап, әкімшілік жауапкершілікке тартты.
Атырау облыстық Полиция департаменті мұндай әрекеттердің жол қозғалысына қатысушылардың өміріне тікелей қауіп төндіретінін ескертті.
«Лайк пен контент үшін жасалған мұндай “шоу” – ойын емес, заңға қайшы әрекет. Әр азамат жол ережесін бұзғаны үшін жауапқа тартылады», – делінген ПД хабарламасында.
