Алматыда өрт сөндірушілер Наурызбай ауданындағы Алтын орда көшесінде орналасқан ғимараттағы өртті ауыздықтап жатыр, деп жазды qandastar.kz
Белгілі болғандай, тілсіз жау балалар үйінің ауласындағы асхана ғимаратынан шыққан.
Әкімдік өкілдерінің мәліметінше, оқиға кезінде ғимарат ішінде адамдар болмаған. Тәрбиеленушілер мен қызметкерлер дер кезінде эвакуацияланып, қауіпсіз аймаққа шығарылған.
Қазіргі таңда жағдай бақылауға алынған: өртті сөндіруге арнайы техника мен су үздіксіз жеткізіліп жатыр.
Оқиға орнында қалалық Төтенше жағдайлар департаментінің бастығы басшылық етуде.
Зардап шеккендер туралы ақпарат түскен жоқ.
