Threads платформасында “sertygg22” атты қолданушының жазбасы қызу талқыланып жатыр. Ол өз жазбасында ата-анасын өз үйінен шығарып жібергенін айтып, көпшіліктің пікірін сұраған, деп жазады qandastar.kz
Ер адамның сөзінше, ол бірнеше жыл бойы еңбек етіп, ешкімнің көмегінсіз пәтер сатып алған.
“Бұл мұра да емес, ипотека да емес, өз еңбегімнің нәтижесі”, – деп жазған ол.
Бір ай бұрын ата-анасы үйлеріндегі жөндеу жұмыстары біткенше бір аптаға уақытша тұруға рұқсат сұраған. Алайда уақыт өте келе, олар үйге өздері қожайын секілді әрекет ете бастаған.
“Анам менің кеш тұрғаныма ренжіп, әкем жиһаздың орнын ауыстырып, достарын қонаққа шақырып, асүйде балық қуырды. Иісі екі күн кетпеді. Ақыры шыдамай, ‘Бұл менің үйім, мен сіздерді жақсы көрем, бірақ бұлай жалғаса алмаймыз’ дедім. Олар ренжіп, кетіп қалды. Ал туыстарым мені ‘рақметі жоқ бала’ деп кінәлап жатыр”, – деп бөлісті автор.
Пост соңында ол оқырмандарға сауал тастаған:
“Мен ата-анам үшін өз пәтерімді коммуналдық пәтерге айналдыруға тиіс пе едім, әлде тым қатал болдым ба?”
Бұл оқиға желі қолданушыларын екіге бөлді. Бір бөлігі жігіттің әрекетін суыққандылық деп айыптаса, енді біреулер оны өз шекарасын қорғаған әрекет ретінде қорғап шыққан.
Қатаң сын айтқандардың кейбір пікірлер: “Ата-ананың жүрегіне жара салдың. Иіс кетеді, ал өкпе қалуы мүмкін.” “Олар 29 жыл сізге шыдады, сіз бір айға да төзе алмадыңыз», “Анаңыз ұйқысын сіз үшін қиған, ал сіздің алғысыңыз есік көрсету ме?”.
