جاڭالىقتار

قازاقستان رەسپۋبليكاسىنىڭ ۆيزاسىن الۋ

ەگەر قازاقستان رەسپۋبليكاسى بەكiتكەن حالىقارالىق شارتتاردا وزگەشە ءتارتiپ بەلگiلەنبەسە, شەتەل ازاماتتارىنىڭ قازاقستان رەسپۋبليكاسىنا كەلۋi جانە قازاقستان رەسپۋبليكاسىنان كەتۋi قازاقستان رەسپۋبليكاسىنىڭ ۆيزاسى بولعان جاعدايدا, جارامدى پاسپورتى نەمەسە ونى الماستىراتىن قۇجاتتار بويىنشا مەملەكەتتiك شەكاراداعى حالىقارالىق جانە ەكi جاقتى قاتىناستار ءۇشiن اشىق وتكiزۋ پۋنكتتەرi ارقىلى جۇزەگە اسىرىلادى. قر ۆيزاسى جارامدى پاسپورتقا نەمەسە قازاقستان رەسپۋبليكاسى تانيتىن جەكە باسىن كۋالاندىراتىن باسقا قۇجاتقا جاپسىرىلادى, جانە قازاقستان رەسپۋبليكاسىنىڭ اۋماعىنا كەلۋگە, جانە وندا بولۋعا, سونداي-اق كەتۋگە نەمەسە ترانزيتپەن قر اۋماعىن كەسىپ وتۋگە قۇقىق بەرەدى. قازاقستان رەسپۋبليكاسىنىڭ ۆيزالارىن بەرۋ جانە ولاردىڭ قولدانىس مەرزىمىن ۇزارتۋ ءۇشىن قولدانىلىپ جۇرگەن زاڭنامالارعا سايكەس رەسىمدەلگەن حالىقارالىق ۇيىمداردىڭ, شەت مەملەكەتتەر وكىلدىكتەرىنىڭ, سونداي-اق قازاقستان رەسپۋبليكاسى مەملەكەتتىك مەكەمەلەرىنىڭ استاناداعى قر ءسىم كونسۋلدىق قىزمەت دەپارتامەنتىنە نەمەسە الماتىداعى كقد وكىلدىگىنە تاپسىرىلعان جازباشا وتىنىشتەرى نەگىز بولىپ تابىلادى. تۋريستەر رەتىندە نەمەسە ىسكەرلىك ماقساتپەن شەتەل ازاماتتارىن شاقىراتىن مەملەكەتتىك ەمەس ۇيىمدار وبلىستىق دەڭگەيدەگى كوشى-قون پوليتسياسىنىڭ جەرگىلىكتى بولىمشەلەرىمەن (استانا مەن الماتى قالالارىنىڭ تۇرعىندارى ءۇشىن استانا جانە الماتى قالالارىنىڭ ىشكى ىستەر باس باسقارماسى – ىشكى ىستەر باسقارماسىنىڭ كوشى-قون پوليتسياسى باسقارماسىمەن) كەلىسكەننەن كەيىن قر ءسىم كونسۋلدىق قىزمەت دەپارتامەنتىنە جازباشا وتىنىشتەردى بەرەدى. قازاقستان رەسپۋبليكاسىنا جەكە ىستەرىمەن كەلەتىن شەتەل ازاماتتارى ءۇشىن كەلۋگە ارنالعان رۇقساتتى قازاقستان رەسپۋبليكاسىنىڭ ىشكى ىستەر ورگاندارى رەسىمدەيدى. ەلەكتروندى ۆيزالار 1 شىلدەدەن باستاپ ۆەدومستۆو ەلەكتروندى ۆيزالاردى ەنگىزدى. كازاحستانعا كەلىپ جاتقان شەتەلدىكتەر كونسۋلدىقتارعا بارماي اق ەلەكتروندى ۆيزا الۋ ءۇشىن ءوتىنىش بەرە الادى. ەلەكتروندى ۆيزاعا ەلەكتروندى پورتال ارقىلى ءوتىنىش بەرۋگە بولادى. بارلىق ساۋالنامالىق دەرەكتەردى كورسەتۋ قاجەت: كەلۋ ماقساتى, قارجىلىق مۇمكىندىكتەر, بولۋ مەرزىمى. ەلەكتروندى ۆيزانى جىبەرگەننەن كەيىن كازاقستاندىق بيلىك اقپارتتى دەرەكتەر قورلارى بويىنشا تەكسەرەدى. ەگەر ەشقانداي شەكتەۋلەر بولماسا سىزگە ۆيزانى رەسىمدەيدى. شەتەلدىكتەر ءۇشىن ۆيزا بۇرىن شاقىرۋ مەرزىمى 14 كۇن بولاتىن, ال 1 شىلدەدەن باستاپ شەتەلدىكتەر ءۇشىن قازاقستان رەسپۋبليكاسىنا كىرۋگە شاقىرۋدى تاپسىرۋ مەرزىمى قىسقارتىلدى. شاقىرۋدى ۆيزا الۋشى كەلۋىنىڭ بولجانعان كۇنىنە دەيىن كەمىندە بەس جۇمىس كۇن بۇرىن تاپسىرۋ قاجەت. شاقىرۋدا قازاقستاندىق تاراپ شەتەلدىكتىڭ قازاقستانداعى مەكەنجايى مەن تۇرعىلىقتى جەرىن كورسەتۋ كەرەك. ۆيزانىڭ قولدانىلۋ مەرزىمى شەتەلدىك ازامات پاسپورتىنىڭ قولدانىلۋ مەرزىمى اياقتالعانعا دەيىن كەمىندە التى اي بۇرىن اياقتالۋى ءتيىس. باسقا قۇجاتتاردىڭ بەرۋ قاجەتتىلىگىن كونسۋل جەرگىلىكتى جەردە بەلگىلەيدى. قازاقستان رەسپۋبليكاسىنىڭ ازاماتتارى بولىپ تابىلاتىن – جۇبايلارىمەن, بالالارىمەن نەمەسە اتا-انالارىمەن قازاقستان رەسپۋبليكاسىنا بىرگە كەلەتىن شەتەل ازاماتتارى ءۇشىن ءبىر ايعا دەيىنگى, بىراق ءبىر جىل ىشىندە ەكى رەتتەن ارتىق ەمەس مەرزىمگە, ۆيزالار جوعارىدا اتالعان تۋىستاردىڭ وتىنىشتەرى (وسى شەكتەۋ قازاقستان رەسپۋبليكاسىنىڭ ازاماتى بولىپ تابىلاتىن اتا-انالارىمەن بىرگە كەلەتىن كامەلەتكە تولماعان شەتەل ازاماتتارىنا قولدانىلمايدى) نەگىزىندە رەسىمدەلۋى مۇمكىن. قازاقستان رەسپۋبليكاسىنان قونىس اۋدارعان شەتەل ازاماتتارىنا تۋعان جەرلەرىنە جانە تۋىسقاندارىنىڭ زيراتتارىنا بولىپ قايتۋ ءۇشىن ولاردىڭ جەكە وتىنىشتەرى جانە قازاقستان رەسپۋبليكاسىمەن بايلانىستىعىن راستايتىن قۇجاتتارى (ۇلتتىق پاسپورتتاعى باعانى نەمەسە قازاقستان رەسپۋبليكاسىندا تۋعاندىعى تۋرالى كۋالىگى, قازاقستان رەسپۋبليكاسىندا جاقىن تۋىسقانىنىڭ جەرلەنگەندىگى تۋرالى قۇجاتتىڭ, قازاقستان رەسپۋبليكاسىنىڭ ازاماتتىعىنان شىققاندىعى تۋرالى انىقتامانىڭ كوشىرمەسى) نەگىزىندە ءۇش ايعا دەيىنگى مەرزىمگە جەكە ۆيزالار بەرىلۋى مۇمكىن. تاريحي وتانىنا كەلۋ ءتارتىبىن ودان ءارى ىرىقتاندىرۋ ماقساتىندا قازاق دياسپوراسىنىڭ شەتەلدىك وكىلدەرىنە قر ءسىم-مەن كەلىسىمى بويىنشا جىل ىشىندە ەكى رەت ءۇش ايعا دەيىنگى مەرزىمگە ولاردىڭ جەكە وتىنىشتەرى نەگىزىندە جەكە ۆيزالار بەرىلۋى مۇمكىن.