Армения премьер-министрі Никол Пашинян Қазақстанға жасаған сапары барысында екі ел арасындағы қатынастар жаңа деңгейге көтерілгенін айтты, деп хабарлайды QANDASTAR.
«Қазақстан – Армения үшін өте жақсы үлгі. Қазақ халқына деген құрмет – екіжақты қатынастарды дамытудың негізі», дейді Пашинян.
Оның айтуынша, экономика мен көлік саласында жаңа мүмкіндіктер ашылып, стратегиялық серіктестік кеңейіп келеді.
Сапар аясында бірнеше маңызды құжатқа қол қойылды:
• бейбіт атом саласындағы әріптестік,
• құпия ақпаратты қорғау жөніндегі келісім,
• 2026–2030 жылдарға арналған сауда бойынша жол картасы,
• ауыл шаруашылығы саласындағы ынтымақтастық туралы құжат.
Сонымен қатар, екі ел арасындағы байланыстарды нығайтуға қосқан үлесі үшін Президент Қасым-Жомарт Тоқаев Никол Пашинянды «Алтын Қыран» орденімен марапаттады.
