«Береке» шағын ауданындағы 2020 жылы пайдалануға берілген тоғыз қабатты тұрғын үйдің қабырғаларында алақан сыйып кететіндей жарықтар пайда болған. Кей жерлерде кірпіштер қуыстан шығып тұр, бетон плиталары ирелеңдеп кеткен, еден аяқ астында сықырлайды, ал негізгі тіреу қабырғалардағы жарықтардан салқын ауа еркін өтеді, деп жазады qandastar.kz astana_live24 парақшасына сілтеме жасап.
Посмотреть эту публикацию в Instagram
«>Бұл үйге қатысты жағдай жалғыз емес. 2020 жылы жергілікті бұқаралық ақпарат құралдары дәл осы бағдарлама бойынша салынған «Берекедегі» басқа тоғыз қабатты үй туралы хабарлаған еді. Сол кезде ғимаратта ригельдердің майысуы, фундаменттің отыруы, бағандардың зақымдалуы анықталып, сарапшылар жедел нығайту жұмыстарын жүргізуді қажет деп таныған болатын.
Айта кетейік, соңғы жылдары «Береке» шағынауданы Атыраудағы ең тез өсіп жатқан аудандардың біріне айналған. 2018, 2019 және 2020 жылдары мұнда кезекте тұрған азаматтарға арналған жаңа көпқабатты үйлер топ-тобымен тапсырылды. Мұндай қарқын «Берекенің» мемлекеттік тұрғын үй бағдарламасының негізгі бағыттарының бірі болғанын көрсетеді.
Сонымен бірге түрлі жылдары мұнда су ағу, плиталардың отыруы, сылақтың құлауы, енді міне, тіреу қабырғалардағы жарықтар бойынша шағымдар тіркелген.
