Jumyspen qamtý

Oralmandarǵa materıaldyq kómek: jeńildikter, járdemaqy, tólemder 2

Oralmandarǵa jáne olardyń otbasy múshelerine kelesi qosymsha materıaldyq kómek beriledi. Jergilikti atqarýshy organdar oralmandardy qabyldaý kvotasynan tys Qazaqstan Respýblıkasyna qonys aýdarǵan oralmandarǵa jáne olardyń otbasy múshelerine QR azamattyǵyn qabyldaý týraly sheshimdi shyǵarǵannan keıin turaqty turǵylyqty jerine barý jáne múlikti tasymaldaý boıynsha shyǵyndardy óteýdi qamtıtyn bir jolǵy járdemaqylardy belgileı alady. Járdemaqy tóleý tártibi men sharttaryn halyqtyń kóshi-qon máseleleri boıynsha ýákiletti organ bekitetin úlgilik qaǵıdalar negizinde oblystardyń, respýblıkalyq mańyzy bar qalalardyń, astananyń ákimdikteri bekitedi. Oralmandardyń kóship kelý kvotasyna engizilgen oralmandar men olardyń otbasy músheleri QR aýmaǵyna kirý kezinde kólik quraldaryn qosa alǵanda jeke paıdalanýǵa arnalǵan múlikke keden tólemderin tóleýden bosatylady. Oralmandardy jáne qonys aýdarýshylardy qabyldaýdyń óńirlik kvotasyna engizilgen otbasylarǵa 2017-2021 jyldarǵa Nátıjeli jumyspen qamtýdy damytý jáne jappaı kásipkerlik baǵdarlamasy aıasynda sýbsıdııa berý túrinde memlekettik qoldaý sharasy kórsetiledi: kóshý úshin – otbasynyń árbir múshesine 35 AEK bir jolǵy tólem. turǵyn úı jaldaý (jalǵa alý) jáne kommýnaldyq qyzmetterdi tóleý shyǵystaryn jabý úshin, ol aı saıyn 12 aı ishinde 15-30 AEK aralyǵynda bir otbasyna tólenedi.