Қазақстанның халық әртісі, әнші Мақпал Жүнісова «Сенбілік серуен» бағдарламасына берген сұхбатында марқұм күйеуі жайлы жылы естеліктермен бөлісті, деп хабарлайды qandastar.kz порталы sn.kz-ке сілтеме жасап.
Айтуынша, отбасылық өмірінің алғашқы жылдары ерлі-зайыпты ит пен мысық сияқты өмір сүрген.
«Ол кісі әйел адамның өзіне қарсы шыққанын тіптен жек көретін адам екен. Керемет болдым деп айта алмаймын. Басындағы 1-2 жыл ит пен мысық сияқты өмір сүрдік. Мен де тік мінезді адаммын. Бетіне айтып тастайтынмын. Солай айттың деп, 2-3 күн сөйлеспей қоятын. Ол кісі мені тәрбиеледі, кішкене жынымды басты», — деді әнші.
