Украинаның сыртқы істер министрлігі Каспий құбыр консорциумының инфрақұрылымдық нысандарына жасалған шабуылдан кейін Қазақстанның алаңдаушылығына ресми түрде жауап берді, деп хабарлайды qandastar.kz порталы.
«Біз Украина тарапының ешқандай әрекеті Қазақстан Республикасына немесе басқа үшінші тараптарға қарсы бағытталмағанын атап өтеміз», — делінген мәлімдемеде.
Ведомство «Қазақстанмен достық және прагматикалық қарым-қатынастардың дамуына» үмітті екенін атап өтті.
«Біз Қазақстан халқына деген құрметімізді жеткізіп, екі ел арасындағы достық және прагматикалық қарым-қатынасты дамытуға ниетті екенімізді растаймыз», – делінген Украина СІМ мәлімдемесінде.
Каспий құбыр консорциумы арқылы Қазақстан мұнайының 80%-ы экспортқа шығарылады.
