22 жастағы Әлішер Шариязданов Higgsfield AI компаниясында өсу стратегиясы жөніндегі менеджер қызметін атқарады. Компаниядағы үлес бағалауына сәйкес, оны Қазақстандағы ең жас долларлық миллионер атауға болады. Бұл туралы Qandastar.kz ақпарат агенттігі Instagram желісіндегі Digital Business парақшасына сілтеме жасап хабарлайды.
Әлішер компанияның өсу стратегиясын қалыптастыруға, жаңа пайдаланушыларды тартуға және халықаралық нарыққа шығуына атсалысқан.
Higgsfield AI — жасанды интеллектке негізделген жаңа буын технологияларын дамытып жатқан стартап. Компания қысқа уақыт ішінде инвесторлардың назарын аударып, жаһандық технологиялық нарықта жоғары бағаланды.
Сарапшылардың пікірінше, бұл оқиға қазақстандық жастардың халықаралық технологиялық экожүйеде бәсекеге қабілетті екенін және стартап мәдениетінің ел үшін үлкен мүмкіндіктер ашып отырғанын көрсетеді.
