Қазақстанның халық әртісі Мақпал Жүнісова Қарағандыдағы қара шаңырақта анасымен бірге түскен видеосын жариялады, деп жазады qandastar.kz порталы.
«Қарағандылықтарға сәлем бердік, қара шаңыраққа келіп мәз боп отырған, аман болыңыздар!» — деп жазды әнші.
Дастархан басында отырған анасы әнші жайлы «Алматыдан Мақпал Жүнісова келіп жатыр» дейді.
Әнші бұл сөзге күліп жібереді.
Желі қолданушылары да қарияның сөздеріне риза болып, ықыластарын білдіріп жатыр.
«Асыл анасы алтын қызды құрметтеп отыр», «Қандай керемет отырыс», «Өте жақсы жеткізді. Ел алдындағы құрметі отбасынан басталады» деп жазып жатыр олар.
