كوشى-قون زاڭناماسى
حالىقتىڭ كوشى-قونى تۋرالى زاڭ 7
7-تاراۋ. گۋمانيتارلىق جانە ساياسي ۋاجدەر بويىنشا كوشىپ كەلۋ
44-باپ. گۋمانيتارلىق ۋاجدەر بويىنشا كەلەتىن كوشىپ كەلۋشىلەردىڭ ساناتتارى گۋمانيتارلىق ۋاجدەر بويىنشا كەلەتىن كوشىپ كەلۋشىلەرگە:
1) ۆولونتەرلەر – قازاقستان رەسپۋبليكاسىنا ءبىلىم بەرۋ, دەنساۋلىق ساقتاۋ جانە الەۋمەتتىك كومەك سالاسىندا وتەۋسىز نەگىزدە قىزمەت كورسەتۋ ءۇشىن كەلەتىن كوشىپ كەلۋشىلەر;
2) قازاقستان رەسپۋبليكاسىنا قايىرىمدىلىق, گۋمانيتارلىق كومەك كورسەتۋ جانە گرانتتار بەرۋ ماقساتىندا قازاقستان رەسپۋبليكاسى راتيفيكاتسيالاعان حالىقارالىق شارتتاردىڭ شەڭبەرىندە كەلەتىن كوشىپ كەلۋشىلەر جاتادى.
45-باپ. ساياسي ۋاجدەر بويىنشا كەلەتىن كوشىپ كەلۋشىلەر ساياسي ۋاجدەر بويىنشا كەلەتىن كوشىپ كەلۋشىلەرگە: 1) بوسقىندار; 2) ساياسي پانا بەرىلگەن ادامدار جاتادى.
46-باپ. گۋمانيتارلىق ۋاجدەر بويىنشا كەلەتىن كوشىپ كەلۋشىلەردىڭ كەلۋ جانە كەلۋىنە ۆيزا بەرۋ شارتتارى 1. قازاقستان رەسپۋبليكاسىنا گۋمانيتارلىق ۋاجدەر بويىنشا كەلەتىن كوشىپ كەلۋشىلەردىڭ كەلۋىنە ۆيزانى قازاقستان رەسپۋبليكاسىندا اككرەديتتەلگەن حالىقارالىق ۇيىم وكىلدىگىنىڭ نە ول ورنالاسقان ەلدە وسى ەلدىڭ زاڭناماسىنا سايكەس رەسمي تىركەلگەن شەتەلدىك ۇكىمەتتىك ەمەس قوعامدىق ۇيىمنىڭ (قوردىڭ) ءوتىنىشحاتى نەگىزىندە قازاقستان رەسپۋبليكاسىنىڭ سىرتقى ىستەر مينيسترلىگى, قازاقستان رەسپۋبليكاسىنىڭ شەتەلدەگى مەكەمەلەرى ءبىر جىلعا دەيىنگى مەرزىمگە بەرەدى.
2. گۋمانيتارلىق ۋاجدەر بويىنشا كەلگەن كوشىپ كەلۋشىلەردىڭ قازاقستان رەسپۋبليكاسىنىڭ اۋماعىندا كەلۋدىڭ ماقساتتارىندا كوزدەلمەگەن قىزمەتپەن اينالىسۋعا قۇقىعى جوق.
ەسكەرتۋ. 46-باپقا وزگەرىس ەنگىزىلدى — قر 24.11.2015 № 421-V زاڭىمەن (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى). 47-باپ. ساياسي ۋاجدەر بويىنشا كەلۋدىڭ جانە بولۋدىڭ شارتتارى 1. پانا ىزدەپ جۇرگەن ادامداردىڭ كەلۋ جانە بولۋ شارتتارى, شەتەلدىكتەر مەن ازاماتتىعى جوق ادامدارعا پانا بەرۋ جانە ولارعا بوسقىن مارتەبەسىن بەرۋ جونىندەگى قاتىناستار, بوسقىنداردىڭ قازاقستان رەسپۋبليكاسىنىڭ اۋماعىنداعى قۇقىقتىق جاعدايى قازاقستان رەسپۋبليكاسىنىڭ بوسقىندار تۋرالى زاڭناماسىمەن رەتتەلەدى. 2. ساياسي پانا بەرۋدىڭ ءتارتىبىن قازاقستان رەسپۋبليكاسىنىڭ پرەزيدەنتى ايقىندايدى.
