Бұрын салық берешегі 26 мың теңгеден асса, кәсіпкерлерге бірден қатаң шаралар қолданылатын. Енді шек көтерілді. Бұл туралы Qandastar.kz ақпарат порталы Atamekenbusiness_qaz Telegram арнасына сілтеме жасап хабарлады.
Егер қарыз 87 мың теңгеге (20 АЕК-ке) жетсе тек ескерту жіберіліп, өсімпұл есептеледі. Есепшот бұғатталмайды, бизнеске кедергі болмайды.
Егер қарыз 87 мыңнан 195 мың теңгеге (45 АЕК-ке) дейін болса, алдымен ескерту беріледі, төленбесе ғана есепшоттағы шығыс операциялары уақытша тоқтатылуы мүмкін.
Ал қарыз 195 мың теңгеден (45 АЕК-тен) асып кетсе, мемлекет қатаң шараларға көшуі мүмкін, мүлікке тыйым салу сияқты.
