Қытай Халық Республикасының Сыртқы істер министрлігінің ресми өкілі Мао Нин АҚШ-тың Каракаста жүргізген операциясы халықаралық қатынастардың тұрақтылығын бұзды деп мәлімдеді, деп жазады qandastar.kz ақпараттық агенттігі Reuters сайтына сілтеме жасап.
Оның айтуынша, Пекин Латын Америкасы мен Кариб бассейніндегі бейбітшілік пен тұрақтылықты аймақ елдерімен және халықаралық қоғамдастықпен бірлесіп қорғауға дайын.
«АҚШ Венесуэла президенті Николас Мадуроның мемлекет басшысы ретіндегі мәртебесін елемей, ашық түрде іс қозғап, өз ішкі сотында так называемый сот отырысын өткізді. Бұл Венесуэланың мемлекеттік егемендігін өрескел бұзып, халықаралық қатынастардың тұрақтылығына нұқсан келтірді. Ешбір ел халықаралық құқықтан жоғары өз ережелерін қоя алмайды», – деді ҚХР СІМ өкілі.
Сонымен қатар Мао Нин АҚШ-ты Николас Мадуроны және оның жұбайын дереу босатуға, сондай-ақ олардың жеке қауіпсіздігін қамтамасыз етуге шақырды.
Еске сала кетейік, сенбіге қараған түні Каракаста жарылыстар болды. Бұдан кейін АҚШ-тың бұрынғы президенті Дональд Трамп Америка Құрама Штаттары ауқымды соққылар жасағанын, ал Венесуэла президенті Николас Мадуроның жұбайымен бірге ұсталып, елден шығарылғанын мәлімдеген еді.
