Ресейдің Грозный қаласында еркін күрестен 21 жасқа дейінгі жасөспірімдер арасында өткен Солтүстік Кавказ федералдық округінің біріншілігінде жаппай төбелес орын алды, деп жазады qandastar.kz сайты 1bol.kz-ке сілтеме жасап.
Оsetia_alania15 Instagram парақшасының мәліметінше, жаппай төбелеске шамамен 30-ға жуық адам қатысқан.
Қақтығыс спортшылар арасында басталып, кейін көрермендер мен жарысқа қатысушылардың араласуымен ушығып кеткен.
Оқиға турнирдің соңғы күні тіркелді. Солтүстік Осетия – Алания өкілі Давид Ваниев пен шешен балуаны Турпал Алхоев арасындағы белдесу аяқталғаннан кейін дау шыққан.
Төрешілер жеңісті Давид Ваниевке берген соң, екі спортшы сөзге келіп, ол бірден төбелеске ұласқан. Арада көп уақыт өтпей жанжалға залдағы жанкүйерлер де араласып, жағдай бақылаудан шықты.
Посмотреть эту публикацию в Instagram
