Президент Қасым-Жомарт Тоқаев V Ұлттық құрылтайдың отырысында ЛГБТ-ға қатысты пікір білдірді. Бұл туралы Qandastar.kz порталы Zakon.kz сайтына сілтеме жасап хабарлайды.
Мемлекет басшысы ұлттық құндылықтарымыздың негізгі тірегін әлсіретуге жол беруге болмайтынын атап өтті.
— Жастарды жаңа заманның альтернативті моральдық құндылықтары арқылы жалған жолға бағыттау әрекеттері орын алып отыр. Барлығы менің не туралы айтып отырғанымды түсінді деп сенемін. Мемлекет дәстүрлі мәдени құндылықтарды қорғап, бұзушылыққа және турасын айтсақ, моральдық тұрғыдан сын көтермейтін мінез-құлық үлгілерін насихаттауға қарсы тұруға міндетті, — деді Тоқаев.
