Қытай билігі кәмелетке толмағандарға қарсы жыныстық зорлық-зомбылыққа қатысты саясатты түбегейлі қатаңдатты, деп хабарлайды qandastar.kz порталы Krispmedia.kz-ке сілтеме жасап.
Енді аса ауыр сипаттағы мұндай қылмыстар үшін өлім жазасы қолданылуы мүмкін.
Елдің Жоғарғы Халық Сотының мәлімдеуінше, бұл санатқа ауыр жыныстық зорлық-зомбылық, балаларды сату, сондай-ақ кәмелетке толмағандардың денсаулығына немесе психикасына ауыр зиян келтіру фактілері кіреді. Мұндай істер бойынша соттарға ең жоғары жаза қолдану ұсынылған.
Сот өкілдері балалардың қауіпсіздігі мемлекет үшін абсолютті басымдық екенін атап өтті.
Бұл қылмыстар тек жеке адамға емес, жалпы қоғамның моральдық негізі мен әлеуметтік тұрақтылығына тікелей қауіп төндіреді.
Ресми деректерге сәйкес, өлім жазасына кесу үкімдері міндетті түрде жоғарғы сот органдарының қайта қарауынан өтіп, бекітілгеннен кейін ғана орындалады.
