Бұл туралы Қазақстан кәсіпқой бокс федерациясының президенті Рахымжан Ерденбеков өз парақшасында жазды, деп хабарлайды qandastar.kz порталы.
Айтуынша, боксшыда препаратты спорттық көрсеткіштерді арттыру үшін пайдалану ниеті болмаған.
«Ол препараттың құрамында мельдоний бар екенін білмеген. Ол шұғыл түрде жүгінген медициналық мекемеде емдеу бастады. Себебі оның жағдайы дереу араласуды қажет етті. Дәрігер өз кезегінде ережелерге және науқастың жағдайына сәйкес әрекет етті. Сондай-ақ тағайындалған препарат Қазақстанда тыйым салынбаған және бүкіл Қазақстан бойынша тәжірибеде қолданылатынын және дәріханаларда оңай қолжетімді екенін атап өткім келеді», — дейді Ерденбеков.
Айта кетері, орта салмақта WBO және IBF тұжырымдарының чемпионы Жәнібек Әлімханұлының қанынан мельдоний табылған болатын.
WBO спортшыны бір жылға бокстан шеттетті. Ал чемпиондық атақтары спортшының өзіне қалдырылды.
