Бурабай ауданының Щучинск қаласында бес қабатты тұрғын үйге жапсарлас бір қабатты кафеде газ–ауа қоспасы жарылып, өрт шықты, деп хабарлайды qandastar.kz порталы.
Хабарлама түскеннен кейін 5 минут ішінде Ақмола облысының ТЖД күштері мен құралдары оқиға орнына келді.
Өрт сөндірушілер жанған ғимараттан 8 газ баллонын алып шықты және 10-нан астам адамды құтқарды.
Жедел деректерге сәйкес, барлығы 26 адам зардап шекті, оның ішінде 7 адам қаза тапты (оның бірі – 16 жастағы қыз).
13 адам Бурабай аудандық ауруханасында, 6 адам амбулаториялық бақылауға жіберілді.
Оқиға орнында облыстық жедел штаб жұмыс істеуде.
Өрт толығымен сөндірілді.
Ақмола облысының әкімдігі қаза тапқандардың отбасыларына және зардап шеккендерге барлық қажетті көмекті көрсетеді.
