Танымал әзілкеш Тұрсынбек Қабатовтың бұрынғы жұбайы, әнші Мөлдір Мұқановаға балалары ерекше тосынсый жасады. Бұл туралы Qandastar.kz сайты Stan.kz ақпарат агенттігіне сілтеме жасап хабарлады.
Әнші әлеуметтік желідегі парақшасында видео жариялап, 8 наурыз – Халықаралық әйелдер күніне орай балаларының жасаған сыйлығын көрсетті.
Бес бала аналарына ақ раушан гүлдерінен құралған үлкен себет тарту еткен. Гүлдердің саны – 501 дана.
«501 раушан. Сіз жақсы көретін ақ раушандар», – деді қыздары.
Мөлдір Мұқанова мұндай сыйлықты көріп қатты таңғалғанын айтты. Ол бұған дейін мұншалық көп гүл алып көрмегенін жеткізді.
Балалары әзілдеп: «Бұдан азына келіспейміз», – деді.
Өз кезегінде әнші де әзілмен жауап беріп: «Енді тек 502, 503 раушан ба?» – деп қуанышын жасырмады.
Жылы әрі әсерлі видео әлеуметтік желіде кең таралып, 900 мыңнан астам қаралым жинап, шамамен 50 мыңға жуық қолданушының лайкына ие болды.
