QOSTANAI OBLYSYNDA QUTQARÝ JUMYSTARY JALǴASYP JATYR

Qostanaı oblysynda tótenshe jaǵdaı jarııalanǵaly beri 8 myńǵa jýyq adam qaýipsiz jerge kóshirildi. Onyń 1 myń 200-den astamy bala.

Evakýaııalanǵandar sany kún saıyn kóbeıip jatyr. Qalada kólik qozǵalysy qıyndady. Qostanaı oblysyndaǵy jaǵdaı áli de máz emes. Tobyl ózeninde sý deńgeıi kóterilip, qala mańyndaǵy aýyldarǵa zardabyn tıgizýde. Saldarynan jergilikti turǵyndar úılerin tastap, qaýipsiz aımaqtarǵa ketýge májbúr.      Qazir oblysta 135 evakýaııalyq ortalyq jumys istep tur. Osynda ornalasqandardyń densaýlyǵy, psıhologııalyq jaǵdaıy únemi baqylaýda. Táýlik boıy arnaıy mamandar kezekshilikke shyǵady. Al qala mańyndaǵy mektep oqýshylary qashyqtan oqıdy.

Qostanaı men Tobyl qalalaryn jalǵaıtyn ortalyq kópirde búgin uzyn sonar keptelis boldy. Aýyr júk kólikteriniń qozǵalysy shekteldi. Serik О́mirzaquly, oblys turǵyny: — 2-3 kún buryn usynys jasady sý keledi dep. Sender baqylańdar, abaılańdar dep. Sosyn túnimen kúttik, tańerteń qarasaq sý kóterilgen. Jol boıynsha kóshelerdiń bárin jınap, osynda jumys istep jatyrmyn volonter sııaqty. Karına Bazarbaeva, oblystyq PD baspasóz hatshysy: — Ortalyq kópirde erigen qar sýyn toqtatý úshin qapshyqtarmen bógeý jumystary júrgizilip jatyr. Osynda qazir polıeıler, eriktiler, kýrsanttar osy jerde jumys istep jatyr. Jaǵalaýǵa jaqyn ornalasqan saýda ortalyqtary men sport keshenderin de sý basqan.    Almıra Shın, oblystyq TJD resmı ókili: — Turǵyndardan sabyr saqtaýdy ótinemiz. Qazir mamandar qoldan kelgenniń bárin jasap jatyr. Eger qıyn jaǵdaıǵa tap bolsańyz 109 nemese 112 nómirlerine habarlasyp, kómek surańyzdar. Oblysta sý tasqyny bastalǵaly turǵyndardy evakýaııalaý men tasqynǵa qarsy jumystarǵa 2 myńnan astam adam, 390 tehnıka, 29 sý quraly men 3 tikushaq jumyldyryldy.