Jańalyqtar
ShETELDEN KELGEN QANDASTARǴA AZAMATTYQ ALÝ JEŃILDEIDI
Eńbek jáne halyqty áleýmettik qorǵaý mınıstrligi jyl saıyn Qazaqstanǵa eń kemi 20 myń oralman keledi dep josparlap otyr
Eńbek jáne halyqty áleýmettik qorǵaý mınıstrligi shetelde turatyn etnıkalyq qazaqtardy atajurtyna qaıtarý úshin azamattyq alý tártibin jyldamdatý jáne jeńildetýdi josparlap otyr. Bul týraly búgin halyqqa esep berý kezdesýinde vedomstvo basshysy Madına Ábilqasymova málimdedi.
Mınıstr etnıkalyq qazaqtardy Qazaqstanǵa kóshirý nemese tarıhı otanyna qaıtarý demografııaǵa oń áser etetinin atap ótti.
“Shetelde turatyn etnıkalyq qazaqtarǵa Qazaqstanǵa qonys aýdarý úshin jaǵdaı jasaý maqsatynda azamattyq alýdyń jedeldetilgen (jeńildetilgen) tártibin engizý qarastyrylyp otyr. Sondaı-aq olarǵa qandaı da bir ruqsatsyz jáne oralman mártebesiniń bar-joǵyna qaramastan jumysqa ornalasý quqyǵy usynylady”, —dedi Ábilqasymova esep berý kezdesýinde.
Sonymen qatar, onyń aıtýynsha, oralmandarǵa jańa ortaǵa beıimdelýine járdemdesý maqsatynda mıgranttardy aqparattyq jáne quqyqtyq qoldaý ortalyqtary qurylady. Al eńbek resýrstary tapshy óńirlerde til úırený kýrstary uıymdastyrylmaq.
“Jyl saıyn Qazaqstanǵa eń kemi 20 myń oralman keledi dep josparlap otyrmyz”, — dedi mınıstr.
Sonymen qatar, Ábilqasymova mınıstrlik el ekonomıkasynda suranysqa ıe ártúrli profıldi bilikti mamandarǵa uzaq merzimdik jaǵdaı jasaý negizgi basymdyqtardyń biri ekenin atap ótti.
“Qoldanystaǵy kóshi-qon zańnamasy elimizdiń ekonomıkalyq, áleýmettik, demografııalyq damýyndaǵy qajettilikter men jumys berýshilerdiń múddesine tolyǵymen sáıkes kelmeıdi. Zań a shetelden ýaqytsha jumys kúshin tartýǵa baǵyttalǵan jáne onda eńbek mıgranttary men oralmandardy ortaǵa beıimdeý sharalary kózdelmegen”, — dedi vedomstvo basshysy.
Kóshi-qon saıasatynyń tujyrymdamasyn júzege asyrý boıynsha is-sharalar josparyna sáıkes bıyl kóshi-qon proesteriniń tıimdiligin arttyrý boıynsha sharalar qabyldanady.
“Ekonomıkaǵa qajetti sheteldik jumys kúshin tartý salasynda mynalar qarastyrylǵan: jumys ruqsattaryn berý júıesin jetildirý; qajettilikti baǵalaýdyń tıimdi tetikterin qurý jáne sheteldik jumys kúshin tartý tetikterin jetildirý; iskerlik maqsatta keletin, ınvestıııalyq jáne kásipkerlik qyzmetke qatysatyn sheteldik azamattardyń el aýmaǵyna kirý erejelerin jeńildetý. Bul sharalar el ekonomıkasyn jyl saıyn eń kemi 40 myń bilikti sheteldik mamanmen qamtýǵa múmkindik beredi”, — dedi Ábilqasymova.
Mınıstr atalǵan sharalar qazirgi tańda kóshi-qon proesterin retteý máseleleri boıynsha zań jobasynyń tujyrymdamasynda eskeriletinin atap ótti.
