ءۇمىت شاياحمەتوۆا: بانك قالىپتى جاعدايدا قىزمەت اتقارۋدا, اقشا قاراجاتى جەتكىلىكتى

سوڭعى كۇندەرى ەلىمىزدىڭ باستى بانكتەرىنىڭ ءبىرى سانالاتىن حالىق بانكىنىڭ اقشا اۋدارىمى اقشا الۋ قىزمەتتەرىنە شاعىم جيىلەپ كەتتى. وسى  رەتتە حالىق بانك-ءتىڭ باسشىسى ءۇمىت شاياحمەتوۆا  بانكوماتتار مەن كليەنتتەردىڭ شوتتارى بويىنشا ورىن العان جاعدايعا تۇسىنىكتەمە بەردى.

— ءۇمىت بولاتحانقىزى, قازىر قوس بانك وتە قيىن ساتتەردى باستان كەشىپ جاتىر. وسىعان وراي قازىرگى بانكتە ورىن الىپ جاتقان جاعدايلارعا بايلانىستى پىكىر بىلدىرسەڭىز. كليەنتتەردىڭ باسىم كوپشىلىگى اقشا قاراجاتىن قولما-قول شەشە الماعاندىقتان جانە تولەمدەردى اۋدارۋ مۇمكىندىگى شەكتەلگەندىكتەن الاڭداي باستادى. بۇل نەندەي جاعدايعا بايلانىستى جانە بۇل ماسەلە قاشان جويىلادى?

-ءيا, راسىندا قارقىندى تۇردە جۇمىس ىستەپ جاتىرمىز. دەگەنمەن, الاڭداۋعا ەش سەبەپ جوق. قوس بانك بىرىكتى, بارلىعى ويداعىداي. يا, دەگەنمەن ءارتۇرلى تەحنيكالىق ماسەلەلەر ءالى دە بار, ەڭ باستىسى بانكتە اقشا بار جانە كليەنتتىك بازا ساقتالدى. كارتوچكالار بويىنشا كەيبىر وپەراتسيالار ءبىر تاۋلىككە توقتاتىلدى, بۇل كەزەڭ-كەزەڭىمەن قىزمەت كورسەتىلەتىن كوپتەگەن وپەراتسيالارعا بايلانىستى. ءبىر ميلليوننان استام وپەراتسيا بار. بۇل قىزمەت تۇرلەرىن قايتا وڭدەۋ ءۇشىن ۋاقىتتى تالاپ ەتەدى. نەگىزىنەن بۇل كەڭسەگە كەلگەن زاڭدى تۇلعالار, شاعىن جانە ورتا كومپانيالاردىڭ ماسەلەلەرى. ال ەگەر ءسىز جەكە تۇلعا رەتىندە تىركەلگەن كليەنت بولساڭىز وندا ەش قيىندىقسىز قالاعان كولەمدەگى اقشا قاراجاتىن شەشە الاسىز. اقشا بار, بانكوماتتاردىڭ بارلىعى قالىپتى جۇمىس ىستەپ تۇر. ءبىز ءبارىن مۇقيات باقىلاپ وتىرمىز, بانكوماتتار قىزمەت كورسەتۋگە دايىن. ەگەر زاڭدى تۇلعالاردىڭ كورپوراتيۆتىك كارتالارى بولسا, وندا ولار دا ەش قيىندىقسىز بانكوماتتان اقشا الا الادى. ءىس جۇزىندە, جۇمىس پروتسەستەرىندە پروبلەمالار بار, بىراق مەن بارلىق كليەنتتەردىڭ اقشاسى ساقتالعانىن, ەشكىم ءبىر تيىندا جوعالتپايتىنىن سەنىمدى تۇردە ايتا الامىن. بولىمشەلەردە كەزەك كۇتكەن كليەنتتەر بار جانە بۇل ماسەلەنىڭ الدىن الۋ جۇمىستارى جۇرگىزىلۋدە.

-ءۇمىت بولاتحانقىزى, بىراق ءالى كۇنگە دەيىن ونلاين-وپەراتسيالار تۋرالى كوپتەگەن شاعىمدار بار, بۇل دا الاڭداۋشىلىق تۋدىرادى. ولار قاشان شەشىلەدى?

— يا, بۇل ۋاقىتشا عانا. نەگىزىنەن زاڭدى تۇلعالارعا ارنالعان ونلاين-بانكينگتە ساتسىزدىكتەر بولدى, بىراق ءبىز بۇل ماسەلەنىڭ شەشىمىن تاپتىق, تولەمدەردى جۇرگىزۋدەگى ماسەلە دە جويىلدى. بانك قىزمەتتەرى بويىنشا كەيبىر اۋىتقۋلار بولۋى مۇمكىن, ونىڭ ءوزى ەڭ كوپ دەگەندە 2-3 كۇنگە عانا سوزىلادى. ورىن العان اۋىتقۋلار ايدىڭ اياعى بولعاندىقتان عانا سەزىلدى. نەگە دەسەڭىز, زاڭدى تۇلعالارعا جالاقى اۋدارۋعا بايلانىستى. قولما-قول اقشامەن جۇمىس ىستەيتىن كىشىگىرىم كومپانيالار بار, ولار اقشانى تولەۋ ءۇشىن ونلاين-بانكينگسىز قولما-قول اقشامەن عانا اقشا الادى جانە تولىقتىرادى, سول سەبەپتى كوپتەگەن جۇرگىزىلگەن وپەراتسيالار بەلگىلى ءبىر جۇكتەمە بولىپ جۇيە اۋىتقي باستايدى. مەن كليەنتتەردىڭ بارلىعىن تۇسىنەمىن, ولارمەن بانك بولىمشەسىنە بارىپ جۇزدەستىم, ولاردىڭ نەگە شاعىمداناتىنىن دا بىلەمىن, تۇسىنەمىن, بىراق جاعدايدى ۋشىقتىرماۋلارىن ءوتىنىپ سۇرايمىن, ورىن العان ماسەلەنىڭ ءبارى شەشىلەدى.

— قانداي جاقسى جاڭالىقتارىڭىز بار? بانكتىڭ كەلەسى قادامى قانداي?

— جالپى العاندا, جاعداي باقىلاۋدا, ءبىز ءبارىن كورىپ وتىرمىز, تۇسىنەمىز, بانك قالىپتى جۇمىس ىستەيتىن بولادى. الداعى ۋاقىتتا ءبىزدىڭ كليەنتتەرگە تولاسسىز مۇمكىندىكتەر ۇسىنىلادى, ويتكەنى ءبىز بىرىككەن ەڭ ۇلكەن, ەڭ تۇراقتى بانكپىز. بىرىگۋ اياقتالعاننان كەيىن ەكى بانكتىڭ كوميسسيالارىن سالىستىرامىز جانە كليەنتتەردىڭ پايداسىنا قاراي تومەن كوميسسيالاردى تاڭدايمىز. ياعني كليەنتتەر كوميسسيالىق شىعىندار مەن تاريفتەردىڭ باعاسىنان پايدا كورەدى. ونىمەن قوسا, حالىق بانك شوب ءۇشىن جاقسى باعدارلامالار ازىرلەدى. ءبىز ءاردايىم كليەنتەرىمىزگە كرەديتتى رەسىمدەۋدى ۇسىنىپ كەلدىك جانە قازىرگى ۋاقىتتا ۇسىنۋدامىز جانە ۇسىناتىن دا بولامىز. شوب جانە يپوتەكا بويىنشا حالىق بانكتە جىلدىق سىياقى مولشەرلەمەسى ءاردايىم تومەن بولىپ كەلدى. قوس بانكتىڭ بىرىگۋى ءىرى كليەنتتەر ءۇشىن ۇلكەن مۇمكىندىك دەسەك بولادى. قازكوم جايلى وسى ۋاقىتقا دەيىن نە ايتسا دا, قوس بانك بىرىككەن كۇننىڭ وزىندە جوعارى رەيتينگتى ساقتاپ قالدىق. سوندىقتان, ارينە, وڭ ديناميكانى كۇتەمىز. قازىر ناقتى ايتا الاتىنىم قازكومنىڭ كليەنتتەرى حالىق بانكپەن بىرىككەننەن كەيىن ۇلكەن مۇمكىندىكتەرگە يە بولا الاتىنىنا سەنىمدىمىن.

ءنازيا بەيسەنوۆا