Úmit ShAIaHMETOVA: Bank qalypty jaǵdaıda qyzmet atqarýda, aqsha qarajaty jetkilikti

Sońǵy kúnderi elimizdiń basty bankteriniń biri sanalatyn Halyq bankiniń aqsha aýdarymy aqsha alý qyzmetterine shaǵym jıilep ketti. Osy  rette Halyq Bank-tiń basshysy Úmit Shaıahmetova  bankomattar men klıentterdiń shottary boıynsha oryn alǵan jaǵdaıǵa túsinikteme berdi.

— Úmit Bolathanqyzy, qazir qos bank óte qıyn sátterdi bastan keship jatyr. Osyǵan oraı qazirgi bankte oryn alyp jatqan jaǵdaılarǵa baılanysty pikir bildirseńiz. Klıentterdiń basym kópshiligi aqsha qarajatyn qolma-qol sheshe almaǵandyqtan jáne tólemderdi aýdarý múmkindigi shektelgendikten alańdaı bastady. Bul nendeı jaǵdaıǵa baılanysty jáne bul másele qashan joıylady?

-Iá, rasynda qarqyndy túrde jumys istep jatyrmyz. Degenmen, alańdaýǵa esh sebep joq. Qos bank birikti, barlyǵy oıdaǵydaı. Iıa, degenmen ártúrli tehnıkalyq máseleler áli de bar, eń bastysy bankte aqsha bar jáne klıenttik baza saqtaldy. Kartochkalar boıynsha keıbir operaııalar bir táýlikke toqtatyldy, bul kezeń-kezeńimen qyzmet kórsetiletin kóptegen operaııalarǵa baılanysty. Bir mıllıonnan astam operaııa bar. Bul qyzmet túrlerin qaıta óńdeý úshin ýaqytty talap etedi. Negizinen bul keńsege kelgen zańdy tulǵalar, shaǵyn jáne orta kompanııalardyń máseleleri. Al eger siz jeke tulǵa retinde tirkelgen klıent bolsańyz onda esh qıyndyqsyz qalaǵan kólemdegi aqsha qarajatyn sheshe alasyz. Aqsha bar, bankomattardyń barlyǵy qalypty jumys istep tur. Biz bárin muqııat baqylap otyrmyz, bankomattar qyzmet kórsetýge daıyn. Eger zańdy tulǵalardyń korporatıvtik kartalary bolsa, onda olar da esh qıyndyqsyz bankomattan aqsha ala alady. Is júzinde, jumys proesterinde problemalar bar, biraq men barlyq klıentterdiń aqshasy saqtalǵanyn, eshkim bir tıynda joǵaltpaıtynyn senimdi túrde aıta alamyn. Bólimshelerde kezek kútken klıentter bar jáne bul máseleniń aldyn alý jumystary júrgizilýde.

-Úmit Bolathanqyzy, biraq áli kúnge deıin onlaın-operaııalar týraly kóptegen shaǵymdar bar, bul da alańdaýshylyq týdyrady. Olar qashan sheshiledi?

— Iıa, bul ýaqytsha ǵana. Negizinen zańdy tulǵalarǵa arnalǵan onlaın-bankıngte sátsizdikter boldy, biraq biz bul máseleniń sheshimin taptyq, tólemderdi júrgizýdegi másele de joıyldy. Bank qyzmetteri boıynsha keıbir aýytqýlar bolýy múmkin, onyń ózi eń kóp degende 2-3 kúnge ǵana sozylady. Oryn alǵan aýytqýlar aıdyń aıaǵy bolǵandyqtan ǵana sezildi. Nege deseńiz, zańdy tulǵalarǵa jalaqy aýdarýǵa baılanysty. Qolma-qol aqshamen jumys isteıtin kishigirim kompanııalar bar, olar aqshany tóleý úshin onlaın-bankıngsiz qolma-qol aqshamen ǵana aqsha alady jáne tolyqtyrady, sol sebepti kóptegen júrgizilgen operaııalar belgili bir júkteme bolyp júıe aýytqı bastaıdy. Men klıentterdiń barlyǵyn túsinemin, olarmen bank bólimshesine baryp júzdestim, olardyń nege shaǵymdanatynyn da bilemin, túsinemin, biraq jaǵdaıdy ýshyqtyrmaýlaryn ótinip suraımyn, oryn alǵan máseleniń bári sheshiledi.

— Qandaı jaqsy jańalyqtaryńyz bar? Banktiń kelesi qadamy qandaı?

— Jalpy alǵanda, jaǵdaı baqylaýda, biz bárin kórip otyrmyz, túsinemiz, bank qalypty jumys isteıtin bolady. Aldaǵy ýaqytta bizdiń klıentterge tolassyz múmkindikter usynylady, óıtkeni biz birikken eń úlken, eń turaqty bankpyz. Birigý aıaqtalǵannan keıin eki banktiń komıssııalaryn salystyramyz jáne klıentterdiń paıdasyna qaraı tómen komıssııalardy tańdaımyz. Iaǵnı klıentter komıssııalyq shyǵyndar men tarıfterdiń baǵasynan paıda kóredi. Onymen qosa, Halyq bank ShOB úshin jaqsy baǵdarlamalar ázirledi. Biz árdaıym klıenterimizge kredıtti resimdeýdi usynyp keldik jáne qazirgi ýaqytta usynýdamyz jáne usynatyn da bolamyz. ShOB jáne ıpoteka boıynsha Halyq bankte jyldyq syıaqy mólsherlemesi árdaıym tómen bolyp keldi. Qos banktiń birigýi iri klıentter úshin úlken múmkindik desek bolady. Qazkom jaıly osy ýaqytqa deıin ne aıtsa da, qos bank birikken kúnniń ózinde joǵary reıtıngti saqtap qaldyq. Sondyqtan, árıne, oń dınamıkany kútemiz. Qazir naqty aıta alatynym Qazkomnyń klıentteri Halyq bankpen birikkennen keıin úlken múmkindikterge ıe bola alatynyna senimdimin.

Názııa Beısenova