Oralman mártebesi uzartylady

Almaty qalasy Memlekettik eńbek ınspekııasy jáne kóshi-qon basqarmasynyń kóshi-qon bólimi qala turǵyndaryna myna jaǵdaıdy habarlaıdy: Elbasy 2018 jyldyń 16 sáýirinde Qazaqstan Respýblıkasynyń keıbir zańnamalyq aktilerine halyqtyń jumyspen qamtylýy jáne kóshi-qony máseleleri boıynsha ózgerister men tolyqtyrýlar engizý týraly Qazaqstan Respýblıkasynyń Zańyna qol qoıdy. Zań 28 sáýirde resmı aqparat quraldarynda jarııalanyp, qoldanysqa engizildi.
Atalǵan zańǵa sáıkes, halyqtyń kóshi-qony týraly Qazaqstan Respýblıkasynyń 2011 jylǵy 22 shildedegi №477-IV Zańynyń birneshe baptaryna ózgeris engizildi. Sonyń ishinde21-bapqa ózgertýler men tolyqtyrýlar engizdi. Bul bap oralman kýáliginiń qoldanys merzimi toqtatylǵan oralmandar úshin taǵy bir múmkindik berilgen qýanyshty jaǵdaı bolyp otyr.
21-baptyń 2-tarmaǵynda «Jergilikti atqarýshy organ ótinish berilgen kúnnen bastap bes jumys kúni ishinde etnıkalyq qazaqtarǵa jáne olardyń otbasy múshelerine oralman mártebesin beredi, nemese uzartady, nemese berýden nemese uzartýdan ýájdi túrde bas tartady.» — dep kórsetilgen. Iaǵnı, oralman kýáligin alyp, bir jyldyń ishinde jeńildetilgen tártippen azamattyqqa qujattaryn ótkize almaǵan oralmandar, kýáliktiń qoldanys merzimi toqtatylǵan kezden bastap alty aı ishinde uzartýǵa ótinish bere alady.
Qazaqstan Respýblıkasynyń azamattyǵyn ońaılatylǵan (tirkeý) tártippen alý maqsatynda Qazaqstan Respýblıkasynyń aýmaǵynda turaqty turatyn etnıkalyq qazaqtar oralman mártebesi toqtatylǵan kúnnen bastap alty aı ótpegen oralman mártebesin uzartý týraly sheshimdi jergilikti atqarýshy organ úsh aıdan aspaıtyn merzimge bir ret qabyldaıdy. Uzartýǵa ótinishti memlekettik organ nemese halyqqa qyzmet kórsetý ortalyǵy arqyly berýge bolady.
Almaty qalasynda turaqty tirkeýde turatyn oralmandar uzartýǵa ótinishti Tóle bı kóshesi 155úı mekenjaıynda ornalasqan Almaty qalasy Memlekettik eńbek ınspekııasy jáne kóshi-qon basqarmasyna, nemese halyqqa qyzmet kórsetý ortalyǵy arqyly ótinish bildire alady.

K.Galıeva,
Almaty qalasy Memlekettik eńbek
ınspekııasy jáne kóshi-qon
basqarmasy Kóshi-qon
bóliminiń basshysy.