الەۋمەتحابار-وشار

بىزدەگى جاقسى جاڭالىق

ەڭ ءبىرىنشى قۋانىشتى حاباردى روزا وتانبەك اتتى قانداسىمىز WhatsApp-جەلىسى ارقىلى ءبولىستى. ەستەرىڭىزدە بولسا وسىدان بىرنەشە كۇن بۇرىن قۇجاتسىز روزانىڭ وتباسىلىق قيىنشىلىعى تۋرالى اقپارات تاراتقان ەدىك. جانە جەرگىلىكتى باسشىلارعا اتالعان وتباسىعا كومەك بەرۋ تۋرالى ۇسىنىس بىلدىرگەنبىز. https://qandastar.kz/?p=757 “جاقسى, ءبارىن قاتىرامىز” – دەگەن اكىمشىلىك قىزمەتكەرلەرى بۇگىن ناقتى جۇمىس اتقارىپتى. ياعني,بۇگىن زەرە بەرزاتتىڭ بالا ارمانى ورىندالىپ, وزگەلەر سياقتى ول دا مەكتەپ تابالدىرعىن اتتاپتى.

تەلەفون ارقىلى حابارلاسىپ, قۋانىشىن بولىسكەن وتاناسى: “قىزىما كيىم-كەشەكتى ءوزىمىز الدىق. اكىمشىلىك تەك وقۋىنا رۇقسات الىپ بەردى. ەرتەڭ بارلىق بالالارىمنىڭ ەگىلمەگەن ەكپەسىن سالدىرىپ, دەنساۋلىقتارىن تولىق تەكسەرۋدەن وتكىزەتىن بولدى” – دەدى.

وسىلايشا كىشكەنتاي زەرەنىڭ قۋانىشىنا ورتاقتاسىپ, قۇتتىقتاپ جاتقاندا الماتى وبلىسى ءىىد كوشى-قون قىزمەتى باسقارماسىنىڭ باستىعى ە.التاەۆ مىرزادان حات كەلىپ تۇر.
مازمۇنى تومەندەگىدەي:

ءسىزدىڭ ەڭبەكشىقازاق اۋداندىق ىشكى ىستەر باسقارماسىنا قاراستى شەلەك كەنتتىك پوليتسيا ءبولىمىنىڭ كوشى-قون قىزمەتىنە قاتىستى جولداعان شاعىمىڭىز بويىنشا الماتى وبلىسى ءىىد كوشى-قون قىزمەتى باسقارماسىمەن قىزمەتتىك تەكسەرۋ جۇرگىزىلدى.
قىزمەتتىك تەكسەرۋ بارىسىندا, شاعىمىڭىزدا كورسەتىلگەن ەڭبەكشىقازاق ءاىىب شەلەك كپب كوشى-قون قىزمەتىنىڭ عيماراتىندا مەكەمەنىڭ اتاۋى كورسەتىلمەگەنى, مەملەكەتتىك تۋدىڭ جوقتىعى جانەدە قۇجاتتاردى زاڭدى مەرزىنەن كەشىكتىرۋى, قۇجاتتاردى تاپسىرعان تۇلعالالارعا تۇبىرتەك بەرىلمەگەنى, قىزمەتكەرگە كومەككە كەلگەن ستۋدەنتتەردىڭ دجينسى-شورتى كيگەنى انىقتالدى.
ەڭبەكشىقازاق ءاىىب شەلەك كپب-ءنىڭ كوشى-قون قىزمەتىنىنە قاتىستى مەملەكەتتىك قىزمەت كورسەتۋ لاۋازىمدىق مىندەتتەر بويىنشا شەلەك كپب كوشى-قون قىزمەتىنىڭ ينسپەكتورى د.قوجانوۆقا جۇكتەلگەن.

د.قوجانوۆ تۇسىنىگىندە بارلىق كورسەتىلگەن كەمشىلىكتەردىڭ جىبەرىلگەنىن مويىنداپ, قۇجاتتانۋعا تاپسىرعان ازاماتتاردىڭ كوپتىگىنەن قۇجاتتاردى تىركەۋگە ۇلگەرمەيتىنىن كورسەتتى. سونداي-اق, جالعىز جۇمىسقا ۇلگەرمەي جاتقاندىقتان, شەلەك اۋىلىنداعى زاڭ كوللەدجىنىڭ ستۋدەنتتەرىن ءىس-قۇجاتتاردى تىگۋگە شاقىرعان, مەملەكەتتىك تۋدى تەك ءبىرىنشى باسشى وتىراتىن عيماراتقا عانا ىلىنەتىنىن كورسەتتى.



سونداي-اق حاتتا “جىبەرگەن كەمشىلىكتەرى ءۇشىن ينسپەكتور د.قوجانوۆ قاتاڭ تارتىپتىك جاۋاپكەرشىلىككە تارتىلدى” – دەلىنگەن.



ءدال وسىعان ۇقساس حاتتى بىرنەشە كۇن بۇرىن مينيسترلىكتەن كەلگەنىن حابارلاعان ەدىك.

ورالمان مارتەبەسى ازاماتتىق الۋعا كەدەرگى بولماۋى كەرەك

ياعني, جۇيەلى ارىزدانا بىلسەڭىز مەملەكەت جاۋاپسىز قالدىرمايدى. ءسىزدىڭ قۇقىعىڭىز تۋرالى ءبىر-بىرىمەن “جاۋلاسقان” قوعامدىق ۇيىمداردان كورى, ءوزىڭىزدىڭ قام جاساعانىڭىز ابزال. بىتپەگەن قۇجات ءۇشىن دەلدالعا ەمەس, باسشىلىققا جۇگىنگەنىڭىز ءجون بولار ەدى. كەز كەلگەن قۇجاتتىق كەلەڭسىزدىكتەر جايلى جوعارعى ورىندارعا ءوز قولىڭىزبەن ارىز-ءوتىنىش رەتىندە جولداپ وتىرساڭىز ەڭ دۇرىس جولى بولار ەدى. اسىرەسە, جۇمىس بابىنداعى اسىرا پايدالانۋشىلىق, دورەكىلىك, جەمقورلىق, ت.ب. كوپتەگەن كەدەرگىلىكتەردى مالىمدەۋ ارقىلى عانا جويا الاتىن بولامىز. ۇرپاعىمىز – ۇلى مۇراتتى, قانداستىڭ ءبارى قۇجاتتى بولسىن!
قۇرمەتوللا مۇحامەتحان ۇلى, QANDASTAR.KZ ءۇشىن.


ىلمەكتەر

وسى ايداردا

پىكىر ۇستەۋ

Close