ÁleýmetHabar-oshar

Bizdegi jaqsy jańalyq

Eń birinshi qýanyshty habardy Roza Otanbek atty qandasymyz WhatsApp-jelisi arqyly bólisti. Esterińizde bolsa osydan birneshe kún buryn qujatsyz Rozanyń otbasylyq qıynshylyǵy týraly aqparat taratqan edik. Jáne jergilikti basshylarǵa atalǵan otbasyǵa kómek berý týraly usynys bildirgenbiz. https://qandastar.kz/?p=757 “Jaqsy, bárin qatyramyz” – degen ákimshilik qyzmetkerleri búgin naqty jumys atqarypty. Iaǵnı,búgin Zere Berzattyń bala armany oryndalyp, ózgeler sııaqty ol da mektep tabaldyrǵyn attapty.

Telefon arqyly habarlasyp, qýanyshyn bólisken otanasy: “Qyzyma kıim-keshekti ózimiz aldyq. Ákimshilik tek oqýyna ruqsat alyp berdi. Erteń barlyq balalarymnyń egilmegen ekpesin saldyryp, densaýlyqtaryn tolyq tekserýden ótkizetin boldy” – dedi.

Osylaısha kishkentaı Zereniń qýanyshyna ortaqtasyp, quttyqtap jatqanda Almaty oblysy IID Kóshi-qon qyzmeti basqarmasynyń bastyǵy E.Altaev myrzadan hat kelip tur.
Mazmuny tómendegideı:

Sizdiń Eńbekshiqazaq aýdandyq ishki ister basqarmasyna qarasty Shelek kenttik polıııa bóliminiń kóshi-qon qyzmetine qatysty joldaǵan shaǵymyńyz boıynsha Almaty oblysy IID Kóshi-qon qyzmeti basqarmasymen qyzmettik tekserý júrgizildi.
Qyzmettik tekserý barysynda, shaǵymyńyzda kórsetilgen Eńbekshiqazaq AIIB Shelek KPB kóshi-qon qyzmetiniń ǵımaratynda mekemeniń ataýy kórsetilmegeni, memlekettik týdyń joqtyǵy jánede qujattardy zańdy merzinen keshiktirýi, qujattardy tapsyrǵan tulǵalalarǵa túbirtek berilmegeni, qyzmetkerge kómekke kelgen stýdentterdiń djınsy-shorty kıgeni anyqtaldy.
Eńbekshiqazaq AIIB Shelek KPB-niń kóshi-qon qyzmetinine qatysty memlekettik qyzmet kórsetý laýazymdyq mindetter boıynsha Shelek KPB kóshi-qon qyzmetiniń ınspektory D.Qojanovqa júktelgen.

D.Qojanov túsiniginde barlyq kórsetilgen kemshilikterdiń jiberilgenin moıyndap, qujattanýǵa tapsyrǵan azamattardyń kóptiginen qujattardy tirkeýge úlgermeıtinin kórsetti. Sondaı-aq, jalǵyz jumysqa úlgermeı jatqandyqtan, Shelek aýylyndaǵy zań kolledjiniń stýdentterin is-qujattardy tigýge shaqyrǵan, memlekettik týdy tek birinshi basshy otyratyn ǵımaratqa ǵana ilinetinin kórsetti.



Sondaı-aq hatta “jibergen kemshilikteri úshin ınspektor D.Qojanov qatań tártiptik jaýapkershilikke tartyldy” – delingen.



Dál osyǵan uqsas hatty birneshe kún buryn mınıstrlikten kelgenin habarlaǵan edik.

Oralman mártebesi azamattyq alýǵa kedergi bolmaýy kerek

Iaǵnı, júıeli aryzdana bilseńiz memleket jaýapsyz qaldyrmaıdy. Sizdiń quqyǵyńyz týraly bir-birimen “jaýlasqan” qoǵamdyq uıymdardan kóri, ózińizdiń qam jasaǵanyńyz abzal. Bitpegen qujat úshin deldalǵa emes, basshylyqqa júgingenińiz jón bolar edi. Kez kelgen qujattyq keleńsizdikter jaıly joǵarǵy oryndarǵa óz qolyńyzben aryz-ótinish retinde joldap otyrsańyz eń durys joly bolar edi. Ásirese, jumys babyndaǵy asyra paıdalanýshylyq, dórekilik, jemqorlyq, t.b. kóptegen kedergilikterdi málimdeý arqyly ǵana joıa alatyn bolamyz. Urpaǵymyz – uly muratty, qandastyń bári qujatty bolsyn!
Qurmetolla MUHAMETHANULY, QANDASTAR.KZ úshin.


Ilmekter

Osy aıdarda

Pikir ústeý

Close