جاڭالىقتار

قىتايدا قالعان تۋىسىڭىزدى زاڭدى تۇردە شاقىرۋ ءۇشىن

الماتى قالاسى مەملەكەتتىك ەڭبەك ينسپەكتسياسى جانە كوشى-قون باسقارماسىنىڭ كوشى-قون ءبولىمى كەلەسىنى حابارلايدى.
«حالىقتىڭ كوشى-قونى تۋرالى» زاڭىنا سايكەس, قازاقستان رەسپۋبليكاسى ازاماتتارى شەتەلدەردە تۇراتىن ەتنيكالىق قازاقتاردىڭ اراسىنان تۋىستارىن قازاقستان رەسپۋبليكاسىنا وتباسىن بىرىكتىرۋ ماقساتىندا قونىستاندىرۋ ءۇشىن شاقىرتۋ جىبەرە الادى.
وتباسىن بىرىكتىرۋ تۋرالى شاقىرتۋ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2016 جىلعى 13 قاڭتارداعى №13 بۇيرىعىمەن بەكىتىلگەن قاعيدامەن رەتتەلەدى.
ءوتىنىش بەرۋشى — شەتەلدەردە تۇراتىن ەتنيكالىق قازاقتاردىڭ اراسىنان تۋىستارىن قازاقستان رەسپۋبليكاسىنا وتباسىن بىرىكتىرۋ ماقساتىندا قونىستاندىرۋ ءۇشىن ءوتىنىش بىلدىرەتىن قازاقستان رەسپۋبليكاسىنىڭ ازاماتى.
تۋىستار — ۇلكەن اتاسى مەن ۇلكەن اجەسىنە دەيىن ورتاق اتا-بابالارى بار تۋىستىق قاتىناستاعى ادامدار.
ياعني, قازاقستان رەسپۋبليكاسى ازاماتتارىنىڭ شەتەلدەردە تۇراتىن ەتنيكالىق قازاقتاردىڭ اراسىنان تۋىستارىن قازاقستان رەسپۋبليكاسىنا وتباسىن بىرىكتىرۋ ماقساتىندا قونىستاندىرۋ ءۇشىن ءوتىنىش بىلدىرگەن جاعدايدا, الماتى قالاسى مەملەكەتتىك ەڭبەك ينسپەكتسياسى جانە كوشى-قون باسقارماسى ءوتىنىش بىلدىرۋشىلەردىڭ شاقىرۋلارىمەن وتىنىشتەرىن قابىلداعان كۇننەن باستاپ بەس جۇمىس كۇنى ىشىندە قارايدى جانە كۋالاندىرادى.
ءوتىنىش ءبىلدىرۋشى قاعيدادا كوزدەلگەن قۇجاتتاردى تولىق كولەمدە ۇسىنباعان جانە (نەمەسە) بەلگىلەنگەن نىسان بويىنشا تولتىرماعان جاعدايدا, باسقارما ءۇش جۇمىس كۇنى ىشىندە ءوتىنىش بەرۋشىگە جازباشا نەگىزدەمە (ۇسىنىلماعان جانە (نەمەسە) بەلگىلەنگەن نىسان بويىنشا تولتىرىلماعان قۇجاتتاردى كورسەتە وتىرىپ) جازىپ قايتارىپ جىبەرەدى.
الماتى قالاسى مەملەكەتتىك ەڭبەك ينسپەكتسياسى جانە كوشى-قون باسقارماسى المالى اۋدانى, تولە بي كوشەسى, 155 عيمارات مەكەن-جايىندا ورنالاسقان.

الماتى قالاسى مەملەكەتتىك ەڭبەك ينسپەكتسياسى
جانە كوشى-قون باسقارماسى
كوشى-قون ءبولىمىنىڭ باسشىسى ك.ت.گاليەۆا

ەسكەرتۋ: ەگەر ءسىزدىڭ تىركەۋىڭىز الماتى قالاسىنان بولماسا, ياعني, الماتى وبلىسى نەمەسە باسقا دا وبلىستاردان بولساڭىز, وندا جوعارىدا اتالعان مەكەن-جايعا كەلۋدىڭ قاجەتى جوق. ءسىز ءوزىڭىز تۇراتىن وڭىردەگى كوشى-قون باسقارماسىنا بارىپ قۇجاتتارىڭىزدى تاپسىراسىز.
سونداي-اق, مۇنداي شاقىرتۋ جىبەرۋ قىتايدان وزگە ەلدەرگە دە جارامدى.

ىلمەكتەر

وسى ايداردا

دوباۆيت كوممەنتاري

Close