ورالمان مارتەبەسى ۇزارتىلادى!

ەلباسى 2018 جىلدىڭ 16 ساۋىرىندە  قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ جۇمىسپەن قامتىلۋى جانە كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ زاڭىنا قول قويدى. زاڭ 28 ساۋىردە رەسمي اقپارات قۇرالدارىندا جاريالانىپ, قولدانىسقا ەنگىزلدى.

اتالعان زاڭعا سايكەس, 21-باپتىڭ  2-تارماعىندا «جەرگىلىكتى اتقارۋشى ورگان ءوتىنىش بەرىلگەن كۇننەن باستاپ بەس جۇمىس كۇنى ىشىندە ەتنيكالىق قازاقتارعا جانە ولاردىڭ وتباسى مۇشەلەرىنە ورالمان مارتەبەسىن بەرەدى نەمەسە ۇزارتادى.» — دەپ كورسەتىلگەن. ياعني, ورالمان كۋالىگىن الىپ, ءبىر جىلدىڭ ىشىندە جەڭىلدەتىلگەن تارتىپپەن ازاماتتىققا قۇجاتتارىن وتكىزە الماعان ورالماندار, كۋالىكتىڭ قولدانىس مەرزىمى توقتاتىلعان كەزدەن باستاپ التى اي ىشىندە ۇزارتۋعا ءوتىنىش بەرە الادى. بۇل مۇمكىندىك قانداستارىمىز ءۇشىن ۇلكەن قۋانىش!

ياعني, قازاقستان رەسپۋبليكاسىنىڭ ازاماتتىعىن وڭايلاتىلعان (تىركەۋ) تارتىپپەن الۋ ماقساتىندا الماتى قالاسىندا تۇراقتى تىركەۋدە تۇراتىن ەتنيكالىق قازاقتار ورالمان كۋالىگىن الىپ, ءبىر جىلدىڭ ىشىندە جەڭىلدەتىلگەن تارتىپپەن ازاماتتىققا قۇجاتتارىن وتكىزە الماعان ورالماندار, كۋالىكتىڭ قولدانىس مەرزىمى توقتاتىلعان كەزدەن باستاپ التى اي ىشىندە ۇزارتۋعا ءبىر رەت ءوتىنىش بىلدىرە الادى

ايتا كەتەتىن ءبىر جايت, ورالمان كۋالىگىن الىپ, 6 ايدان اسىپ كەتكەن ازاماتتىققا تاپسىرا الماعان قانداستارىمىز وكىنىشكە وراي وسى زاڭنىن وزگەرىسىنە ىلىنبەدى.

قازاقستان رەسپۋبليكاسىنىڭ اۋماعىنا ءوز بەتىنشە كەلگەن ەتنيكالىق قازاقتار تۇراتىن جەرىنە كەلگەنەن كەيىن, ولار قازاقستان رەسپۋبليكاسىنىڭ ۇكىمەتىنىڭ ايقىنداعان ءوڭىردى تاڭداعان جاعدايدا ورالمان مارتەبەسىن بەرۋگە نەمەسە ۇزارتۋعا ءتيىستى قۇجاتتارىن جەرگىلىكتى اتقارۋشى ورگاندارعا مەملەكەتتىك كورپوراتسيا ارقىلى ءوتىنىش بەرە الادى.

الماتى قالاسى مەملەكەتتىك ەڭبەك ينسپەكتسياسى جانە كوشى-قون باسقارماسى المالى اۋدانى, تولە بي كوشەسى, 155 عيمارات مەكەن-جايىندا ورنالاسقان.