Kóship kelýshilerdiń QR-ǵa kelýiniń, ketýiniń, onda bolýynyń sharttary qandaı?

Jańartylǵan kúni: 26 shilde 2018 — 15:34
Jaýap:
«Halyqtyń kóshi-qony týraly» Qazaqstan Respýblıkasynyń 2011 jylǵy 22 shildedegi № 477-IV Zańynyń 6-babyna sáıkes Kóship kelýshilerdiń Qazaqstan Respýblıkasynyń aýmaǵyna kelýiniń, ketýiniń, onda bolýynyń tártibi Qazaqstan Respýblıkasynyń zańnamasynda aıqyndalady.
Kelýdiń jáne bolýdyń vızasyz rejımi týraly Qazaqstan Respýblıkasymen kelisim jasasqan memleketterden kelgen kóship kelýshiler Qazaqstan Respýblıkasynyń halyqaralyq sharttarynda belgilengen talaptardy saqtaǵan jaǵdaıda, zańdy pasporttary nemese olardy aýystyratyn qujattary boıynsha keledi.
Kóship kelýshilerge Qazaqstan Respýblıkasyna kelýge jáne Qazaqstan Respýblıkasynan ketýge vızany ulttyq qaýipsizdik organymen kelisim boıynsha Qazaqstan Respýblıkasynyń shet eldegi mekemeleri beredi.
Qazaqstan Respýblıkasynyń aýmaǵyndaǵy kóship kelýshilerge Qazaqstan Respýblıkasynan ketýge jáne Qazaqstan Respýblıkasyna kelýge vızany ishki ister organdary beredi.
Kóship kelýshiler Qazaqstan Respýblıkasynyń Memlekettik shekarasynan ótkennen keıin kúntizbelik bes kún ishinde Qazaqstan Respýblıkasynyń ishki ister organdarynda tirkelýge mindetti. Kóship kelýshiler turatyn jerleri ózgergen jaǵdaıda, burynǵy tirkelgen jeri boıynsha esepten shyqqan kúnnen bastap, kúntizbelik bes kún ishinde turǵylyqty jeri boıynsha tirkelýge mindetti.
Kóshi-qon kartochkalary Qazaqstan Respýblıkasynan ketken kezde tapsyrylýǵa jatady.

Tolyq silteme: http://www.adilet.gov.kz/kk/faq/koship-kelushilerdin-kr-ga-keluinin-ketuinin-onda-boluynyn-sharttary-kanday