Grekııadaǵy orman órti: Segiz qazaqstandyqqa aıyp taǵyldy

Foto: azattyq-ruhy.kz

Grekııa prokýrorlary bir apta buryn Saronık aralyndaǵy Gıdrada bolǵan órtke baılanysty jeke jaldamaly ıahtadaǵy segiz qazaqstandyq jolaýshyǵa aıyp taǵyp otyr. Bul týraly Stan.kz aqparat agenttigi Ekathimerini basylymyna silteme jasap habarlaıdy.

Iahtada bolǵan eki kámeletke tolmaǵan týrıstke aıyp taǵylmady. Grek bıligi Qazaqstanǵa kómek surap júgingen. Sebebi ıahta jaldaýshylary bıliktiń suraýyn kútpesten Grekııadan ketip qalǵan.

Aıyp taǵylýyna prokýrordyń tapsyrysy boıynsha órt ornynda júrgizilgen sot-medıınalyq saraptamasy kezinde tabylǵan jańa dálelder sebep bolǵan. О́rt sóndirýshiler jalyn shyqqan shyǵanaqta otshashýlardyń qaldyqtaryn tapqan.

Iahta kapıtany men kómekshisi ustalyp, qalǵandary shekteýlermen kepilge bosatyldy.

Sondaı-aq Pıreı prokýratýrasynyń Gıdradaǵy órt oqıǵasy boıynsha órt sóndirýshiler men port basshylyǵynyń áreketine qatysty aldyn ala tergeýdi bastaǵany habarlandy. Iahtany jalǵa alýshylardyń órtke qatysy bar degen kúdikke qaramastan Grekııadan ketýine múmkindik bergen kez kelgen qadaǵalaýdy tekserý basty nazarda.

Aıta keteıik, buǵan deıin Grekııada ıahta jaldaǵan qazaqstandyqtar otshashý arqyly araldy órtep jiberdi degen aqparat taraǵan edi. Keıinnen elimizdiń Syrtqy ister mınıstrligi Grekııada orman órtedi degen kúdiktiler arasynda Qazaqstan azamattary joq ekenin málimdedi.