Álem jańalyqtary
AQSh-ta Baıden men Tramp teledebatta Ýkraınany talqylady
Foto: rus.delfi.ee
Kelispeýshilikter men ózara balaǵattarǵa qaramastan, eki úmitker de Reseı prezıdenti Vladımır Pýtın aıtqan Ýkraınadaǵy beıbit retteý sharttaryna kóńilderi tolmaıtynymen kelisedi. Bul týraly RIA Novostı habarlady.
AQSh prezıdenti Djo Baıdenniń aıtýynsha, eger ol Ýkraınada jeńiske jetse, Reseı Belarýsti qysymǵa alady.
AQSh-tyń burynǵy prezıdenti Donald Tramppen saılaý aldyndaǵy teledebat kezinde Baıden Reseı basshysy Vladımır Pýtındi taǵy da balaǵattap, ony «áskerı qylmysker» dep atady.
«Ol Keńes ımperııasynyń bir bóligi bolǵan jerdi qalpyna keltirgisi keledi jáne jaı ǵana bóligin emes, búkil Ýkraınany alýdy qalaıdy. Qalaı oılaısyz, ol sonda toqtaıdy ma? Ýkraınany alǵan kezde Polsha ne bolady, Belarýs ne bolady, NATO elderimen ne bolady dep oılaısyz?» – dedi Baıden.
Vladımır Pýtın Reseıdiń NATO elderine qaýip tóndirmeıtinin jáne Batys saıasatkerleri halyq nazaryn ishki máselelerden basqa jaqqa aýdarý úshin Reseıden keletin oıdan qurastyrylǵan qaýippen qorqytyp otyrǵanyn málimdedi.
О́z kezeginde Donald Tramp eger Reseı Amerıkanyń qazirgi kóshbasshysy Djo Baıdendi qurmettese, Ýkraınadaǵy qaqtyǵys bolmas edi dedi.
«Eger bizde Reseı kóshbasshysy Vladımır Pýtın qurmetteıtin naǵyz prezıdent bolsa, ol eshqashan Ýkraınaǵa basyp kirmes edi», — dedi Tramp Baıdenmen saılaý aldyndaǵy pikirtalas kezinde.
Ol amerıkalyq áskerılerdiń Aýǵanstannan shyǵarylýyna Baıdendi aıyptady.
«Pýtın muny kórgende Ýkraınaǵa basyp kirýge sheshim qabyldady dep oılaımyn», — dedi Tramp.
Degenmen AQSh-tyń burynǵy prezıdenti Donald Tramp Reseı kóshbasshysynyń Ýkraınadaǵy qaqtyǵysty toqtatý úshin málimdegen sharttaryn jónsiz dep atap, Ýkraınadaǵy qaqtyǵysty ózi bılikke kelgenge deıin sheshe alatynyn da málimdedi.
«Men 20 qańtarda Aq úı basshysy qyzmetine resmı kiriskenge deıin Pýtın men Zelenskıı arasyndaǵy bul qaqtyǵystyń sheshilýin qamtamasyz etemin. Men bul máseleni sheshemin — men ony Aq úıge kirmeı turyp-aq sheshemin», — dedi respýblıkashyl-saıasatker.
Men aýdaryp, ózim sala beremin.
