جاڭالىقتار

قازاقستاندا شەتەلدىك قانداستارىمىزعا ارنالعان كولل-ورتالىق قۇرىلدى

«قازاقستاندا شەتەلدىك قانداستارىمىزعا ارنالعان كولل-ورتالىق قۇرىلدى» — دەپ حابارلايدى «استانا» تەلەارناسى.

ەندى وتانعا ورالعىسى كەلەتىن كەز كەلگەن ازامات حابارلاسىپ, بارلىق سۇراعىنا بىرىڭعاي ورتالىقتان جاۋاپ الا الادى. بۇگىن «وتانداستار» قورى مەن «قازاقتەلەكوم» اكتسيونەرلىك قوعامى اراسىندا قانداستارعا كومەك بەرۋدەگى ءوزارا ارىپتەستىك جونىندەگى مەموراندۋمعا قول قويىلدى. 1404 نومەرى ارقىلى جۇمىس ىستەيتىن جۇيەگە قوڭىراۋ شەتەلدەن تەلەفوننان سوققانداردارعا دا, قازاقستاننان حابارلاسقاندارعا دا تەگىن. ءبىر تەرەزە قاعيداتىمەن قىزمەت كورسەتەتىن ورتالىقتا قازاقستان ازاماتتىعىن, ورالمان مارتەبەسىن الۋ, الەۋمەتتىك كومەككە قول جەتكىزۋ, يمميگرانتتاردىڭ جۇمىسقا تۇرۋى تۋرالى اقپارات بەرۋ ءۇشىن ءتيىستى ورگانداردىڭ قىزمەتكەرلەرى جۇمىس ىستەيدى. ەندى الەۋمەتتىك جوبانىڭ ارقاسىندا قانداستارىمىز ءبىر سۇراق ءۇشىن الىس شەتەلدەن اۋرە بولىپ كەلمەي, ماسەلەسىن تەلەفونمەن تەز-اق شەشە الادى. كەلەشەكتە ۆاتساپ, تەلەگرام مەسسەندجەرلەرى مەن سكايپ جەلىسىندە دە تىكەلەي بايلانىسۋ مۇمكىندىگى تۋماق. كومەك ءۇش تىلدە كورسەتىلەدى. كولل ورتالىقتان كەيىن بەتپە-بەت كەڭەس بەرەتىن قوعامدىق قابىلداۋ كەڭسەسى دە اشىلادى. قۋانىشبەك ەسەكەەۆ, «قازاقتەلەكوم» اق باسقارما توراعاسى: بۇگىن ءبىز مەموراندۋم بويىنشا «قىزمەت» دەگەن كونتاكت-تسەنتردى بەرىپ جاتىرمىز. سوندا كولل-تسەنتر اشامىز. ونشاقتى مامان جۇمىس ىستەيدى. كوپ ادامدار قاي جاققا زۆونداۋ كەرەكتىگىن بىلمەيدى. ءبىر نومەر بولسا سوعان زۆونداپ ماسەلەسىن شەشىپ, قىزمەت الا الادى. ا. سەيفۋللا

وسى ايداردا

دوباۆيت كوممەنتاري

Close