ەلباسى پرەزيدەنتتىككە توقاەۆتىڭ كانديداتۋراسىن ۇسىندى

23 ءساۋىر كۇنى نۇر-سۇلتان قالاسىنداعى تاۋەلسىزدىك سارايىندا باستالعان Nur Otan پارتياسىنىڭ كەزەكتەن تىس XIX سەزىنە قازاقستاننىڭ تۇڭعىش پرەزيدەنتى, پارتيا توراعاسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ كەلدى, دەپ حابارلايدى Stan.kz ءتىلشىسى.

«داعدارىس زامانىندا ەلىمىزدى تۇرعىزدىق. ەلدە, الەمدە لايىق ءومىر سۇرۋگە بولاتىنىن دالەلدەدىك. (…) 30-عا جۋىق جىل بويى حالىق ماعان سەندى. قانداي قيىن كەزەڭ بولماسىن, حالقىم مەنىڭ سوڭىمنان ەردى. سول ءۇشىن ەلىمە ريزامىن, العىسىم شەكسىز. ەلدىڭ بۇرىنعى باسشىسى رەتىندە مەنى ەلىمنىڭ بولاشاعى ۋايىمداتادى», — دەپ باستادى ءسوزىن پرەزيدەنت.

سونداي-اق, نازارابەۆ ءوز سوزىندە قازاقستاننىڭ باسەكەگە قابىلەتتى 50 ەلدىڭ قاتارىنا كىرگەنىن جانە ەلدەگى كەدەيلىك دەڭگەيى 10% تومەندەگەنىن ايتا كەتتى. قازاقستاننىڭ تۇڭعىش پرەزيدەنتى قازاقستان حالقى اسسامبلەياسىنىڭ جۇمىسىن ودان ءارى جالعاستىراتىنىن, قىزمەتىن بەلسەندى تۇردە جۇرگىزەتىنىن ايتتى.

نۇرسۇلتان نازارباەۆ Nur Otan پارتياسىنىڭ اتىنانا قازىرگى مەملەكەت باسشىسى قاسىم-جومارت توقاەۆتىڭ كانديداتۋراسىن ۇسىنىپ, وعان سەنەتىنىن جەتكىزدى. ول سەزد قاتىسۋشىلارىن توقاەۆتى قولداۋعا شاقىردى.

«مەن ونى قانشاما جىلدان بەرى بىلەمىن. ەلىمىزدەگى جوعارعى لاۋازىمعا كانديدات اتانۋعا ەڭ لايىقتى ادام دەپ ەسەپتەيمىن. مەن وعان تولىق سەنەمىن», — دەدى نازارباەۆ.

ماقالا: http://stan.kz/tokaev/ سايتىنان