Elbasy prezıdenttikke Toqaevtyń kandıdatýrasyn usyndy

23 sáýir kúni Nur-Sultan qalasyndaǵy Táýelsizdik saraıynda bastalǵan Nur Otan partııasynyń kezekten tys XIX sezine Qazaqstannyń tuńǵysh prezıdenti, partııa tóraǵasy Nursultan Nazarbaev pen memleket basshysy Qasym-Jomart Toqaev keldi, dep habarlaıdy Stan.kz tilshisi.

«Daǵdarys zamanynda elimizdi turǵyzdyq. Elde, álemde laıyq ómir súrýge bolatynyn dáleldedik. (…) 30-ǵa jýyq jyl boıy halyq maǵan sendi. Qandaı qıyn kezeń bolmasyn, halqym meniń sońymnan erdi. Sol úshin elime rızamyn, alǵysym sheksiz. Eldiń burynǵy basshysy retinde meni elimniń bolashaǵy ýaıymdatady», — dep bastady sózin prezıdent.

Sondaı-aq, Nazarabev óz sózinde Qazaqstannyń básekege qabiletti 50 eldiń qataryna kirgenin jáne eldegi kedeılik deńgeıi 10% tómendegenin aıta ketti. Qazaqstannyń tuńǵysh prezıdenti Qazaqstan Halqy Assambleıasynyń jumysyn odan ári jalǵastyratynyn, qyzmetin belsendi túrde júrgizetinin aıtty.

Nursultan Nazarbaev Nur Otan partııasynyń atynana qazirgi memleket basshysy Qasym-Jomart Toqaevtyń kandıdatýrasyn usynyp, oǵan senetinin jetkizdi. Ol sezd qatysýshylaryn Toqaevty qoldaýǵa shaqyrdy.

«Men ony qanshama jyldan beri bilemin. Elimizdegi joǵarǵy laýazymǵa kandıdat atanýǵa eń laıyqty adam dep esepteımin. Men oǵan tolyq senemin», — dedi Nazarbaev.

Maqala: http://stan.kz/tokaev/ saıtynan