Jańalyqtar

Nur-Sultandaǵy órt: Qutqarýshylar terezeden sekirgen júkti áıeldi qaǵyp aldy

Ulttyq ulan sarbazdary Nur-Sultandaǵy órtengen jataqhananyń tórtinshi qabatynan sekirgen úsh bala men júkti áıeldi kórpemen qaǵyp alǵan, dep habarlaıdy Stan.kz tilshisi.

Búgin tańerteń Ulttyq ulannyń №6 636 áskerı bóliminiń janynda №4 jataqhanadan órt shyqty. Qyzyl jalyndy baıqaǵan bir top sarbaz vzvod kapıtany Shyńǵys Qaıyrjanovtyń basshylyǵymen 15 adamdy qutqaryp qaldy. 6 639 áskerı bóliminiń atqyshtar rotasynyń jedel sheshim qabyldap, áreket etýiniń arqasynda azamattyq tulǵalar qutqarylyp, olarǵa alǵashqy kómek kórsetildi.

«Bári aıaq astynan boldy. Biz baqylaý-tekserý sabaǵynda júrgenbiz. Kenet janymyzdaǵy jataqhananyń ekinshi qabatynan shyǵyp jatqan qoıý tútindi baıqadyq. Áskerı qyzmetshiler toby órt oshaǵyna qaraı sońymnan júgirdi. Jataqhanaǵa jetkenimizde ishin túgeldeı tútin basqan eken. Adamdar kómek surap, biri terezeden sekirip jatty. Qaraýyl bastyǵy Nurǵazy Erjanov ekeýimiz jáne basqa da qyzmetshiler turǵyndarǵa kerip ustaıtyn materıal tastaýdy suradyq. Kórpeni kerip ustap adamdardy qaǵyp aldyq. Osy tásilmen 4-qabatta qalǵan úsh balany jáne bir júkti áıeldi qutqardyq» — deıdi kapıtan Qaıyrbekov.

О́rt sóndirý jasaǵy kelgenshe Ulttyq ulan sarbazdary qoıý tútinge qaramaı ǵımarat ishinde qalǵan basqa turǵyndardy syrtqa shyǵardy.

«Qansha ekenin bilmeımin. Jalpy 15 adamdy quqarǵan shyǵarmyz. Olarǵa alǵashqy medıınalyq kómek kórsetip, jedel járdem kelgen soń ıis tııýden zardap shekkenderdi olarǵa tabystadyq», — dedi Qaıyrbekov.

Esterińizge sala ketsek, órt sóndirýshilerdiń barlyq is-qımyly jataqhananyń joǵarǵy qabattarynan úsh baǵanaly, 3 shabýyl satysy, qutqarý arqandary jáne AL-30 kómegimen adamdardy qutqarýǵa baǵyttaldy. Sondaı-aq zardap shekkenderdi izdestirý úshin gaz-tútinnen qorǵaý qyzmetiniń býyndary qosymsha jumyldyryldy.

О́rt sóndirýshilerdiń jedel jáne úılesimdi is-qımyldary negizinde 32 adam qutqaryldy, onyń ishinde 28-i bala. О́rt tolyǵymen sóndirildi.

О́rt sóndirýge jeke quramnan 66 adam jáne О́rt sóndirý qyzmetiniń 18 tehnıkasy jumyldyryldy. О́rttiń sebebi anyqtalyp jatyr.

Maqalaǵa tolyq silteme: http://stan.kz/nyr-syltandagi-ort-kytkarushilar-terezeden-sekirgen-zhukti-ayeldi-kagip-aldi-video-315229/?fbclid=IwAR3Jc7r4P5MGgzr0DT5pDJ_tpwJOHzn2UVpbCbnIe5xHnNx3p5MB5DoXEYA

Osy aıdarda

Dobavıt kommentarıı

Close