جاڭالىقتار

اباي بول اعايىن, ارانداپ قالما

باس پروكۋراتۋرا ازاماتتاردى ارانداتۋشىلىققا بەرىلمەۋگە شاقىرادى

قر باس پروكۋرورىنىڭ ورىنباسارى بولات دەمباەۆتىڭ «پروكۋراتۋرا تۋرالى» زاڭنىڭ 31-بابىنىڭ تارتىبىندە ۇندەۋ جاريالادى, دەپ حابارلايدى قازاقپارات اگەنتتىگى.

الەۋمەتتىك جەلىلەر مەن مەسسەندجەرلەردە 9 مامىردا زاڭسىز ميتينگكە قاتىسۋعا ۇگىتتەۋ ءجۇرىپ جاتىر. باس پروكۋراتۋرا بۇدان بۇرىن وسىنداي زاڭسىز جاريالى اكتسيالار ۇيىمداستىرعان جانە قاتىسقاندار جاۋاپقا تارتىلاتىنىن ەسكەرتكەن بولاتىن. الايدا 1 مامىردا كەيبىر ازاماتتار ۋاكىلەتتى مەملەكەتتىك ورگاندار قىزمەتكەرلەرى ەسكەرتۋىن ەلەمەي, زاڭسىز ميتينگىلەرگە شىعىپ, اكىمشىلىك جاۋاپقا تارتىلدى. ولاردىڭ قۇقىقتىق تارتىپكە قايشى ءىس-ارەكەتتەرىنەن ازاماتتاردىڭ دەمالۋىنا جانە تىنىشتىعىنا قاۋىپ ءتوندى» دەلىنگەن ۇندەۋدە. سونداي-اق, قر باس پروكۋرورىنىڭ ورىنباسارى ميتينگىلەر ۇيىمداستىرۋدىڭ جانە وتكىزۋدىڭ زاڭدى ءتارتىبىن بۇزۋعا جول بەرىلمەيتىنىن اتاپ ءوتتى. جانە دە قۇقىق بۇزۋشىلار زاڭ الدىندا قاتاڭ جاۋاپ بەرەتىنىن ەسكەرتتى. «قوعامدىق قاۋىپسىزدىك پەن قۇقىقتىق ءتارتىپتى قامتاماسىز ەتۋ, سونداي-اق ازاماتتاردىڭ قۇقىقتارى مەن بوستاندىقتارىن قورعاۋ ماقساتىندا باس پروكۋراتۋرا ارانداتۋشىلىققا بەرىلمەۋگە جانە مەملەكەتتىڭ زاڭدارىن بۇزباۋعا شاقىرادى» دەلىنگەن حابارلامادا.

ماقالاعا تولىق سىلتەمە: https://www.inform.kz/kz/bas-prokuratura-azamattardy-arandatushylykka-berilmeuge-shakyrady_a3524457

وسى ايداردا

دوباۆيت كوممەنتاري

Close