Abaı bol aǵaıyn, arandap qalma

Bas prokýratýra azamattardy arandatýshylyqqa berilmeýge shaqyrady

QR Bas prokýrorynyń orynbasary Bolat Dembaevtyń «Prokýratýra týraly» Zańnyń 31-babynyń tártibinde úndeý jarııalady, dep habarlaıdy QazAqparat agenttigi.

Áleýmettik jeliler men messendjerlerde 9 mamyrda zańsyz mıtıngke qatysýǵa úgitteý júrip jatyr. Bas prokýratýra budan buryn osyndaı zańsyz jarııaly akııalar uıymdastyrǵan jáne qatysqandar jaýapqa tartylatynyn eskertken bolatyn. Alaıda 1 mamyrda keıbir azamattar ýákiletti memlekettik organdar qyzmetkerleri eskertýin elemeı, zańsyz mıtıngilerge shyǵyp, ákimshilik jaýapqa tartyldy. Olardyń quqyqtyq tártipke qaıshy is-áreketterinen azamattardyń demalýyna jáne tynyshtyǵyna qaýip tóndi» delingen úndeýde. Sondaı-aq, QR Bas prokýrorynyń orynbasary mıtıngiler uıymdastyrýdyń jáne ótkizýdiń zańdy tártibin buzýǵa jol berilmeıtinin atap ótti. Jáne de quqyq buzýshylar zań aldynda qatań jaýap beretinin eskertti. «Qoǵamdyq qaýipsizdik pen quqyqtyq tártipti qamtamasyz etý, sondaı-aq azamattardyń quqyqtary men bostandyqtaryn qorǵaý maqsatynda Bas prokýratýra arandatýshylyqqa berilmeýge jáne memlekettiń zańdaryn buzbaýǵa shaqyrady» delingen habarlamada.

Maqalaǵa tolyq silteme: https://www.inform.kz/kz/bas-prokuratura-azamattardy-arandatushylykka-berilmeuge-shakyrady_a3524457