Pavlodarlyq balabaqsha sábılerge alty til úıretpek

Pavlodar qalasynda №56 balabaqsha iske qosylǵannan keıin munda qazaq, orys jáne aǵylshyn tilderinen bólek, qytaı, káris, túrik nemes japon tilderi oqytylýy múmkin, dep habarlaıdy https://pavlodarnews.kz saıtyna QazAqparat silteme jasap.
Málim bolǵandaı, balalarǵa birneshe tildi oqytý ata-analardyń ótinishi boıynsha qolǵa alynbaq. Burynǵy «Stıks» mektebiniń ornyna ashylatyn №56 balalar baqshasynyń jóndeý jumystarymen tanysqan Pavlodar ákimi Ánýar Kúmpekeev atqarylyp jatqan jumystarǵa qanaǵattandy. «Munda qazaq, orys jáne aǵylshyn tilderin oqytýmen shektelmeımiz. Qazirgi kezde Azııa tilderi zor bolashaqqa ıe. Balalar baqshasynda qytaı, káris, tipti japon tilderin oqytýymyz múmkin. Árıne, buǵan ata-analar nıet bildirip jatsa», — deıdi Ánýar Kúmpekeev. №56 balabaqsha basshysynyń mindetin atqarýshy Ǵafýra Mahmetovanyń aıtýynsha, paıdalanýǵa berilgen kezde baqshada 10 topqa bólingen 230 bala tárbıelenedi. «Balabaqsha bes kúndik 12 saǵattyq rejimmen jumys isteıdi. Biraq demalys kúnderi qosymsha sabaqtar berilýi múmkin. Olarǵa mektep aldyndaǵy ázirlik, til sabaqtary sekildi ata-analar suranysy boıynsha sabaqtar beriledi. Bizde balet, teatr stýdııalary jáne balalar fıtnes-zaly jumys isteıtin bolady. Oǵan qosa, baqshada tuz shahtasy, massaj jáne fızıoterapııa kabınetterin jabdyqtaý kózdelýde», — deıdi Ǵafýra Mahmetova. Ǵafýra Mahmetova aıtqandaı, jóndeý jumystary 12 naýryzda bastalyp, josparǵa sáıkes 20 maýsymda aıaqtalady. Joba quny — 337 mıllıon teńge.

Maqalanyń tolyq nusqasy:
https://www.inform.kz/kz/pavlodarlyk-balabaksha-sabilerge-alty-til-uyretpek_a3524594