جاپونيالىقتار وتباسىن جالعا بەرە باستادى

جاپونيادا جالعىز جاندار ەرەكشە قىزمەتكە كوپ جۇگىنە باستادى. الەمدى تاڭعالدىرۋدان جالىقپايتىن جاپوندىقتار باقىتتى وتباسىنىڭ ءرولى ءۇشىن بەيتانىس ادامدارعا اقشا تولەۋگە دايىن, دەپ جازادى Stan.kz اقپارات اگەنتتىگى.

بىراق, بۇل قىزمەت ءۇشىن ايتارلىقتاي شاشىلۋعا تۋرا كەلەدى. ماسەلەن, ءوزىڭدى جاقسى كورەتىن وتباسى مۇشەسىنىڭ ءبىر ادامىن جالعا الۋ 200 دوللار تۇرادى.

بىرنەشە جىل بۇرىن ايەلىنەن ايىرىلعان جاپونيا تۇرعىنى كادزۋسيگە نيسيدا ءۇشىن بۇل «وتباسى» ءادىسى جالعىز ومىرىندە جۇبانىش بولدى. ونىڭ ەكى قىزى بار, بىراق ولار اتا-اناسىنىڭ ءۇيىن كەتىپ, ارقايسىسى جەكە ءومىر سۇرۋدە. اكەلەرىنە دە سيرەك كەلەدى. سوندىقتان, كادزۋسيگە نيسيدا قىزىقتى, باقىتتى كەزدى تاعى ءبىر رەت باستان وتكەرۋ ءۇشىن وتباسىن جالداۋعا دايىن.

كومپانيا وكىلدەرى مۇنداي وتباسىن جالداۋ قىزمەتى جاپونيادا كەڭىنەن تانىلىپ كەلەدى دەيدى. كليەنتتەردەن مازا جوق. ايىنا 250-گە جۋىق ءوتىنىش كەلىپ تۇسەدى ەكەن. مۇنداي قىزمەتتەردى ۇسىناتىن كومپانيا باسشىسى يۋيتي ءيسيدىڭ ايتۋىنشا, شەتەلدىكتەر ءۇشىن بۇل قىزمەت ەداۋىر وعاش كورىنۋى مۇمكىن, بىراق جاپوندىقتار ءۇشىن وزدەرىنىڭ مارتەبەسىنە ساي بولۋ جانە باسقالاردىڭ پىكىرىن تىڭداۋ وتە ماڭىزدى. ال, قىزمەتتىڭ بۇل ءتۇرى جالعىزباستى جاندارعا وزدەرىن قوعامنىڭ تولىق مۇشەسى رەتىندە سەزىنۋگە كومەكتەسەدى.

تولىق سىلتەمە: http://stan.kz/otbasini-zhalga-alu-zhalgiz-zhandarga-arnalgan-zhana-kizmet-tanimal-bolip-keledi-317017/