Sońǵy aptada Nur-Sultanda qyzylsha juqtyrýdyń 50 jaǵdaıy tirkeldi

Sońǵy aptada Nur-Sultanda qyzylsha juqtyrýdyń 50 jaǵdaıy tirkeldi, dep habarlady qoǵamdyq densaýlyqty qorǵaý komıtetiniń tóraǵasy – QR bas memlekettik sanıtarlyq dárigeri Jandarbek Bekshın.
«Qyzylsha respýblıkanyń barlyq óńirinde tirkeldi. Ásirese Astana jáne Mańǵystaý oblystarynda jaǵdaı órship tur, bul óńirlerde sońǵy aptada sáıkesishe 48 jáne 38 jaǵdaı tirkelgen. 2019 jyldyń 1 qańtarynan bastap búgingi tańǵa deıin qyzylshanyń 7560 rastalǵan túri tirkelgen, sonyń ishinde 14 jastan joǵary balalar arasynda – 5339 jaǵdaı (70,6%). Aýrý kóbine ekpe almaǵan balalar arasynda jıi tirkelýde, olar naýqastardyń 61,6% qurap otyr», — dedi Bekshın dúısenbide OKQ brıfınginde.
Ol atap ótkendeı, epıdemıologııalyq kórsetkishter boıynsha aýrý shyqqan oshaqtarda qarym-qatynasta bolǵandardy ımmýndaý sharalary júrgizilýde.
«Búgingi tańda 14 794 adam ekpe aldy. Sonymen qatar aǵymdaǵy jyldyń 1 qańtarynan bastap 9-10 aılyq nárestelerdi jáne medqyzmetkerlerdi qosymsha egý bastaldy. 66 618 (egilýge jatatyndardyń 86,2%-y) adam jáne 65 263 (97%) medqyzmetker egildi», — dedi sanıtarlyq dáriger.
Onyń aıtýynsha, qosymsha ekpeniń arqasynda sáýirde qyzylshamen aýrý naýryzben salystyrǵanda 17,3% ( 1984-ten 1639 deıin) tómendedi.
«Atap ótý kerek, qyzylsha aýrýy eýropalyq óńir elderinde de tirkelýde, ol jaqta 2018 jyly 82 myńnan astam jaǵdaı tirkelip, 72 adam kóz jumǵan. Aǵymdaǵy jyly tek Ýkraınada 49 myńnan astam jaǵdaı tirkelip, 17 adam qaıtys bolǵan», — dedi Bekshın.
Sogdııana Idrısova.
Derekkóz: https://kaztag.kz/kz/news/so-y-aptada-n-r-s-ltanda-yzylsha-zh-tyrudy-50-zha-dayy-tirkeldi-