Айтылды-орындалды: «Жаңа адамдар» Астанадағы заңсыз қоқыс үйіндісінің көзін жойды

Фото: ашық дереккөз

«Жаңа адамдар» Астанадағы алып заңсыз қоқыс үйіндісін жоюға қол жеткізді, деп жазды qandastar.kz

Биыл сәуірде «Жаңа адамдар» қозғалысының белсенділері Астанадағы Ұлы Дала даңғылы бойында орналасқан «Айва» тұрғын үй кешенінің жанында құрылыс және тұрмыстық қалдықтары заңсыз төгілген қоқыс алаңын анықтады. Апталар  бәлкім, айлар бойы —ондаған тонна қоқысты белгісіз тұлғалар болашақ құрылыс аумағына күн сайын әкеліп төгіп отырған. Жұмысшылар қоқысты жай ғана топырақпен араластырып көмген. Нәтижесінде  жойылған көл, экологиялық қауіп және қалалық ауқымдағы апат.

«Жаңа адамдар» белсенділері жүргізген «тергеу» жұмыстары БАҚ пен әлеуметтік желілерде кең резонанс тудырды. Алайда белсенділер мұнымен шектелмей,  әкімдікке жүгінді.

23 сәуірде «AntiTrash Aстана» азаматтық науқаны Есіл ауданы әкімінің орынбасары Мадияр Жұмабайұлымен бірлесіп оқиға орнына барды. Әкімдік өкілдерімен бірге тазалау жұмыстары ұйымдастырылып, аумақ пен көлді кең көлемде тазарту басталды. Алғашқы кезеңде шамамен 70 000 шаршы метр жер тазартылды. КАМАЗ көліктері күн сайын ондаған қап қоқысты алып кетіп жатыр. Жауапты қызметтер іске қосылды — бұл алғашқы нақты өзгерістер.

Аманов Бауыржан, «Жаңа адамдар»:
«Шынын айтқанда, мұндай қоқыс алаңдары өте көп. Тек Астанада ғана емес. Олар жайдан-жай пайда болған жоқ. Олар пайда болды, өйткені көптеген ел тұрғындары үшін Қазақстан —  жеке жауапкершілік аймағы емес. Егер бәріміз өзгеруді бастамай, елге өз үйіміздей қарамасақ, ештеңе өзгермейді.
Әділетті Қазақстанда өмір сүргіміз келе ме? Ол өздігінен пайда болмайды. Ел тек біз өзгергенде ғана өзгереді».

Бұл  тек бастамасы ғана. Белсенділер әр екі апта сайын сол жерді қадағалауға алмақ.