Әлем жаңалықтары
АҚШ-тағы президент сайлауына 1 күн қалды: сауалнамалар не дейді?
Америкадағы Five Thirty Eight сауалнама порталы әртүрлі институттардың соңғы сауалнамаларының орташа нәтижелерін жариялады, деп хабарлайды qandastar.kz Ulysmedia.kz-ке сілтеме жасап.
3 қараша, яғни сайлауға екі күн қалғанда, аналитиктердің жариялаған деректеріне сәйкес, ел бойынша қолдау деңгейі: Харрис үшін 47,9% және Трамп үшін 47,0% құраған.
5 қарашадағы сайлаудың назарында жеті «құбылмалы» штат бар: Аризона, Джорджия, Невада, Мичиган, Солтүстік Каролина, Пенсильвания және Висконсин.
Бұл штаттарда сайлаушылардың дауысы үшін күрес әсіресе қызу жүріп жатыр, ал Харрис пен Трамп арасындағы айырма көбінесе минималды. Мұнда кім жеңсе – айырма қаншалықты аз болса да тиісті штаттың барлық дауысын алады.
3 қарашадағы сауалнамалар нәтижелері Five Thirty Eight-те төмендегідей көрсетілген:
• Аризона: Трамп 49% / Харрис 46,5%
• Джорджия: Трамп 48,5% / Харрис 47,1%
• Невада: Трамп 47,9% / Харрис 47,3%
• Мичиган: Харрис 47,8% / Трамп 47,1%
• Солтүстік Каролина: Трамп 48,4% / Харрис 47,2%
• Пенсильвания: Трамп 48% / Харрис 47,7%
• Висконсин: Харрис 48,2% / Трамп 47,4%
Сайлауға дейінгі соңғы күндерде екі кандидат та өздерінің нәтижелерін жақсарту үшін негізінен осы жеті «құбылмалы» штатта белсенділік танытуда.
Америка Құрама Штаттарында 538 сайлаушы даусы бар. Президентті сайлау үшін осы 538 дауыстың 270 даусы қажет. Калифорния штаты ең көп сайлаушы (54) бар штат.
