Aqtóbede pyshaq jaraqatyn alǵan oqýshy jansaqtaý bóliminde jatyr

Foto: ashyq derekkóz

Aqtóbede pyshaq jaraqatyn alǵan oqýshy jansaqtaý bóliminde jatyr. Ony telefonyn bermegeni úshin qatarlastary pyshaqtap tastaǵan, dep habarlady qandastar.kz KTK arnasyna silteme jasap.

 «Sanynyń tómengi úshten bir bóligi jaraqattanǵan. Tamyrǵa zaqym kelmegen. Janama betkeı tamyrlary zaqymdalǵan. Túsken kezde ota bóliminde alǵashqy óńdeý jasalyp, jaraqatyna tigis salyndy. Aıtýynsha, tanymaıtyn úsh-tórt bala telefon suraǵan. Bul telefonyn bermegen. Pyshaqtaǵan, sosyn qashyp ketken», — dedi Aqtóbe oblysy balalar aýrýhanasynyń bólim meńgerýshisi Raqymjan Áýbákirov.

Oqıǵa Aqtóbe shetindegi Ońtústik-batys yqshamaýdanynda bolǵan. Oqýshyǵa pyshaqty óz úıiniń qasynda salypty. Kúdiktini tártip saqshylary tergep jatyr. Ol qaladaǵy kolledjderdiń biriniń stýdenti eken. Buryn bir mektepte oqyǵan. Jaraqat alǵan jasóspirim oqıtyn mektep basshylary ekeýiniń dos ekenin aıtady. Sanyna pyshaqty «abaısyzda salyp aldy» deıdi.  Polıeıler qylmystyq is qozǵapty. Biraq tártip saqshylary oqıǵanyń mán-jaıyn ashyp aıtpaı otyr.

 «О́ziniń dosy, oınap, kórip alǵan da, sol jerde jerge qadap otyrǵanda tizesiniń ústine qadalǵan. Sol ǵana. Bala jaqsy. Ata-anasy, barlyǵy habardar. Bul jaǵdaı abaısyzda bolǵan», — dedi Aqtóbedegi №10 mektep dırektory Indıra Beksultanova.