Ақтөбе қалалық соты Qarakesek лақап атымен танымал рэперге қатысты істі қарап, үкім шығарды, деп хабарлайды qandastar.kz порталы.
Сот оны психотроптық затты сату мақсатынсыз заңсыз сақтағаны үшін кінәлі деп таныды.
Сот шешіміне сәйкес, сотталушыға 100 сағат қоғамдық жұмыс жазасы тағайындалды және есірткіге тәуелділіктен мәжбүрлі ем қабылдау міндеттелді.
Ресми мәліметке сүйенсек, рэпер 2025 жылдың қыркүйегінде ұсталған. Мас күйінде болған азаматтан 0,26 грамм психотроптық зат табылған.
