Ақтөбеде тікұшақ құлады: Зардап шеккендер бар

Фото: ашық дереккөз

Ақтөбе облысында тікұшақ апатқа ұшырап бір адам қаза тауып, екеуі ауруханаға жеткізілді, деп жазады qandastar.kz Қорғаныс министрлігінің мәліметіне сүйеніп.

Әуе қорғанысы күштері әскери институтының Ми-8 тікұшағы. Ол оқу-жаттығу ұшуын орындаған.

Бортта үш экипаж мүшесі болды. Экипаж мүшелерінің бірі қаза тауып, екеуі ауруханаға жеткізілді. Оларға қажетті медициналық көмек көрсетіледі.

«Авиациялық оқиғаның алдын-ала себебі-техникалық ақаулық. Оқиғаның мән-жайы анықталуда», – деді ведомство

Жергілікті жерде ведомствоаралық жедел топ жұмыс істейді.

«Қарулы Күштердің басшылығы мен Әуе қорғанысы күштерінің қолбасшылығы қаза тапқан әскери қызметкердің туыстары мен жақындарына қайғыра көңіл айтады. Оның туыстарына, сондай-ақ зардап шеккендерге барлық қажетті көмек көрсетіледі», – делінген хабарламада.