Ақтөбеде жол апаты салдарынан жедел жәрдем көлігі аударылды. Көлікте 37 аптаға жүкті 34 жастағы әйел болған, деп хабарлады өңірлік денсаулық сақтау басқармасы.
Жол-көлік оқиғасы Сәңкібай батыр даңғылында орын алған. Полиция мәліметіне сүйенсек, жедел жәрдем көлігі мен Toyota автокөлігі соқтығысып, жедел жәрдем қырынан аударылып кеткен. Көлікте болған науқас дереу медициналық мекемеге жеткізілген.
Дәрігерлер әйелдің аман-есен босанып, дені сау қыз бала дүниеге әкелгенін хабарлады. Анамен баланың жағдайы тұрақты, олар қазір бақылауда. Жедел жәрдем бригадасының қызметкерлері де тексеруден өтті, олардың жағдайы жақсы.
Полиция жүргізушілерді жол қозғалысы ережесін сақтап, сиренасы мен ескерту шамы қосылған жедел жәрдем көліктеріне жол беруге шақырды.
Толығырақ: Tengrinews.kz.
