«Allany mazaqtap, soǵysty nasıhattaıdy»: Tanymal mýltfılmder balalarǵa qaýipti bolyp shyqty

Jelide Bombardıro Krokodılo men Tralalelo Tralala, Balerıno Kapýchıno degen ataýlarmen neırondyq jeliler jasaǵan janýarlar beınelengen mýltfılm tarap, mıllıondaǵan qaralym men lúpil jınaýda. Alaıda qazaqstandyq bloger ata-analarǵa mundaı kontentti balalarǵa kórýge tyıym salý kerek ekenin jetkizdi.

Aıtýynsha, bul keıipkerlerdiń sózderiniń aýdarmasynda qudaıdy mazaq etip, soǵys, qatygezdikti nasıhattaıdy, dep habarlaıdy qandastar.kz

Sn.kz jazǵandaı, kez ári keń taralǵan vıdeony ásirese balalar qyzyǵýshylyqpen qarap, sózderin jattap alǵan. Bloger Arman Iýsýpov bul vıdeolardyń mánin túsindirip, ata-analarǵa eskertý jasady. Ol vırýstyq beıneler bir qaraǵanda esh zııany joq sııaqty bolyp kórinetinin, alaıda maǵynasyna úńilseń óte qaýipti nasıhat ekenin alǵa tartty.

“Bul vıdeony barynsha taratyńyzdar. Shoshyp otyrmyn. Bálkim sizder jeliden ıtalııalyq janýarlardy kórgen shyǵarsyzdar. Ásirese 2010 jyldan 2024 jyl aralyǵynda týǵan alfa urpaq osy mýltfılimderdi qaraıdy, kúlip, kóńil kóteredi. Biraq belgili bolǵandaı bul mýltfılmder men onda aıtylǵan ánderdiń maǵynasy óte qorqynyshty.

Máselen, Tralalelo Tralalanyń aıtatyn áninde qudaıdy, dindi qorlaıtyn sózder aıtylǵan. Tipti oqýǵa aýyzym barmaıdy. Al Bombardıro Krokodılo áninde bombalaýshy krokodıl ushqysh Gaza men Palestınadaǵy balalarǵa bomba tastaıdy degen. Muny jasaǵan kimder ekenin bilmeımin. Kim bolsa da kontent arqyly sanany basqaryp, balalar arqyly osyndaı qorqynyshty oılaryn astyrtyn jetkizip júr. Múlde túsinbeımin, biraq kimder bolsa da durys emes nárse jasap otyr. Al bir qaraǵanda barlyǵy kóńildi jaqsy keıipkerlerdeı kórinedi. Sondyqtan ata-analar endi bizge bul mýltfılimdi balalarǵa kórsetpeý kerek”, – dedi ol.

• Tralalelo Tralala ánin kók tústi akýla aıtady. Onyń aýdarmasynda “Alla shoshqa, Alla jaman” degen sózder aıtylǵan.
• Al Bombardıro Krokodılo – Ekinshi dúnıejúzilik soǵys kezindegi AQSh áýe kúshteriniń negizgi bombalaýshysy retinde kórsetken Boeing B-17 ushaǵymen baılanystyrylǵan qoltyraýyn.
• Bombombını Gýsını – Bombardırdiń qoltyraýynnyń aǵasy ushaq qazy. Keıde oǵan ushaq qanattarynyń ornyna qus qanattary qaldyrylyp, olarǵa reaktıvti qozǵaltqyshtar nemese granata atqyshtar tartylady.
• Týng Týng Týng Sahýr –  beısbol taıaqshasy bar basty jaýyz. Bul AI janýarlarynyń ishindegi eń kúshti tirshilik ıeleriniń biri bolyp sanalady.
• Trippy Troppy – skýftyń denesi bar balyq (artyq salmaǵy bar). Ol kez-kelgen nárseni jeıdi, sondyqtan salmaǵy kóp.
• Balerına Kapýchıno – bastyń ornyna kofe shynyaıaqy bar bıshi. Ol Kapýchıno Assasınonyń áıeli bolǵan. Biraq tralalelo Tralalamen opasyzdyqtan keıin ajyrasqan.