الماتى مەن نيۋ-يورك اراسىندا تىكەلەي رەيس اشىلادى

2026 جىلى قازاقستاندا الماتى-نيۋ-يورك باعىتىندا رەيس اشىلماق, دەپ حابارلايدى Qandastar.kz.

سىرتقى ىستەر مينيسترلىگىنىڭ مالىمەتىنشە, اۋە رەيسى 2026 جىلى اشىلادى. باستاپقىدا بۇل باعىت 2025 جىلى ىسكە قوسىلادى دەپ ۋادە ەتىلگەن ەدى. الايدا مەرزىم كەيىنگە شەگەرىلدى. دەگەنمەن ناقتى كۇن ءالى بەلگىلەنگەن جوق.

«كەلەسى جىلى الماتى – نيۋ-يورك تىكەلەي رەيسىنىڭ اشىلۋى ارىپتەستىكتى دامىتۋعا قوسىمشا سەرپىن بەرىپ, بيزنەس ءۇشىن جاڭا مۇمكىندىكتەر اشادى», – دەدى سىرتقى ىستەر ءمينيسترىنىڭ ورىنباسارى الىبەك قۋانتىروۆ.

اقش-قا تىكەلەي رەيس اشۋ تۋرالى اڭگىمەلەر 2023 جىلدان بەرى ايتىلىپ كەلەدى. 2024 جىلدىڭ ساۋىرىندە قازاقستان مەن اقش-تىڭ اۆياتسيالىق اكىمشىلىكتەرى كەلىسىمگە جاقىنداعان ەدى, الايدا ۋادە ءسوز كۇيىندە قالدى. سونىڭ سالدارىنان قازاقستاندىقتار نيۋ-يورككە تىكەلەي رەيستى ەندى 2026 جىلعا دەيىن كۇتۋگە ءماجبۇر.

ايتا كەتەيىك, بۇعان دەيىن 2026 جىلى الماتى مەن توكيو اراسىندا تىكەلەي رەيس اشىلاتىنى تۋرالى جازعان ەدىك.