Ұлттық қауіпсіздік комитеті Шекара қызметі қайғылы оқиғаға байланысты мәлімдеме жасады, деп хабарлайды qandastar.kz порталы.
Қайғылы оқиға 6 желтоқсанда Алматы облысындағы «Нарынқол» шекара заставасының аумағында болған.
«2025 жылғы 6 желтоқсанда Алматы облысындағы «Нарынқол» шекара заставасының аумағындағы қызметтік үйде өрт шықты. Өрт ТЖД күштерімен сөндірілді. Төтенше жағдайдың салдарынан әскери қызметші мен оның баласы қаза тапты», — делінген мәлімдемеде.
Аталған факті бойынша сотқа дейінгі тергеп-тексеру басталды.
Шекара қызметі қаза болғандардың туыстары мен жақындарына қайғыға ортақтасып көңіл білдіреді.
Оларға барлық қажетті көмек көрсетілуде.
